1 Pedro 1:21 - Xochapa Mixteco

²¹ Xaꞌa ya vaꞌa i̱kan Tata yo Jesucristo kua xa̱á ndo kándixa ni ndo Iva yo Ndioxi, ra si̱taku Tata yo Jesucristo tañu na ndíi, saa ta̱xi ni Ndioxi ya toꞌo ndaꞌa ra. Yakan kua ndátun ni ndo, saa ndáa ni ini ndo ya xaa súvi ndiꞌi ra ya ndi̱kaꞌan ra xiꞌin ndo taxi ra ndaꞌa ndo.

1 Pedro 1:21 Mawu Ofanana

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Juan 12:44

Saa nda̱niꞌi Jesús tachi ra ta ndikaꞌan ra, káchi ra saa: Na kándixa yeꞌe ta süvi ndisaa yeꞌe kándixa na, kándixa tu na Iva i, ra ti̱ꞌvi yeꞌe vaxi va i.

San Juan 14:1

Saa ndi̱kaꞌan Jesús xiꞌin nda ítaꞌan xiꞌin ra káchi ra saa: ―Kündiꞌi ini ndo. Kandixa ndo Ndioxi ta kandixa ndo yeꞌe.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 3:34

Saa chi ra ti̱ꞌvi Ndioxi vaxi ñuu ivi yóꞌó, ta káꞌan ra tuꞌun Ndioxi, chi Ndioxi ta köo táxi loloꞌo ra ndee Tachi I̱í ra ndaꞌa na, iin táxi ndiꞌi ra ya ndaꞌa na.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

Los Hechos 4:10

ta vaꞌa kundaa va ini ndo, vitin kaꞌan nde xiꞌin ndo ya ná kundaa ini ndiꞌi na ñuu yo na Israel ya ndee ni ndee kúu mií Jesucristo, ra ñuu Nazaret, chi ndóꞌo̱ ta chi̱nuu ndo ra nuu cruzin ndi̱xiꞌi ra, sundi Ndioxi ta si̱taku ñaꞌa ra, ta ra ikán ku ra sindaꞌa ra yóꞌó ndu̱vaꞌa ra ndíchi ra nuu ndo vitin.

ROMANOS 10:9

Tá ná kaꞌan un xaꞌa Jesucristo nuu ndiꞌi naꞌa ya kúu ra, Tata Yo Ra Chee ra xáꞌnda chiñu nuu un, ta kandixa un ra xiꞌin ndinuꞌu nima un ya si̱taku Ndioxi ra tañu na ndíi, ta saa sikaku Ndioxi yóꞌo̱.

ROMANOS 4:24

Chi káꞌan tu ya xaꞌa yoo va, yo kándixa Ndioxi, ra si̱taku Tata yo Jesús, ra chee nuu yo. Xaꞌa ya kándixa yo ra, ta nduu yo tá íin naꞌa, na köo ka kuachi kúu mií nuu Ndioxi.

2 Corintios 6:15

Chi ni mií Jesucristo, ta köo íyo yuꞌu ra xiꞌin kiti nǎꞌa, kiti Belial ri kúu Satanás. Ni naꞌa, na kándixa Ndioxi ta küvi koo yuꞌu na xiꞌin naꞌa, na köo kándixa Ndioxi.

Efesios 1:15

Xaꞌa ya ikán kua tá ku̱ndaa ini i xaꞌa ndo ya ndee ni ndáa ini ndo xíni ndo Tata yo Jesús, ta saa kúꞌvi ni ini ndo xíni ndo na ñuu ra,

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.

1 Timoteo 1:1

Yeꞌe Pablo, ra xíka chiñu nuu Tata yo Jesucristo, ra ti̱ꞌvi Ndioxi vaxi sikaku yoo xiꞌin suvi mií Tata yo Jesucristo, ra ndinuꞌu ni ndáa ini yo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.

HEBREOS 6:1

Ná kuaꞌnu ka yo xiꞌin tuꞌun Ndioxi nda ná xinu koo yo kuu yo tá íyo na xa xa̱ꞌnu. Ta ná ndïko koo tuku yo ikan yo taꞌan ñaꞌa ya xa si̱naꞌa na yoo tá xaꞌa. Chi tá xaꞌa ta si̱naꞌa na yo ya kundàà ni ini yo kuni yo Ndioxi, ta saa si̱naꞌa na yo ya sindoo yo ñaꞌa ya väꞌa, ya köo ndáa yaꞌvi i̱kan yo tá yachi.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.