1 Pedro 1:10 - Xochapa Mixteco

¹⁰ Ya yóꞌó kua ndi̱kaꞌan nda ndi̱kaꞌan ndoso xaꞌa tuꞌun Ndioxi xinaꞌa, ndee ni ka̱ꞌvi xiní nda xiꞌin ya xaꞌa ya kúni nda kundaa ini nda xaꞌa ya vaꞌa niꞌi yo nuu Ndioxi, ya sikaku ra yoo.

1 Pedro 1:10 Mawu Ofanana

San Mateo 13:17

Ya ndaa káꞌan i xiꞌin ndo, xinaꞌa ndi̱xiyo kuaꞌa ni nda profeta nda ndi̱kaꞌan ndoso tuꞌun yuꞌu Ndioxi saa tu nda ndi̱xika ndaku ni nuu Ndioxi va, nda ikán ta ku̱too ni nda koto nda ya xíto ndo vitin, ta köo ndi̱kuvi kuni nda ya, saa ni ku̱too ni nda kuni soꞌo nda ya xíni soꞌo ndo, ta köo ndi̱kuvi kuni soꞌo nda ya ―káchi Jesús xiꞌin nda ítaꞌan xiꞌin ra.

San Mateo 26:24

Yeꞌe kuu Taa, ra xa̱a ñuu ivi yóꞌó, ta ndixa kua xíniñuꞌu kuvi i, tá kuꞌva káꞌan tuꞌun Ndioxi ya ta̱a nda profeta xaꞌa i xinaꞌa. Sundi ¡ndaꞌvi ni taa ra ndixiko vata yeꞌe nuu na sáa ini xíni yeꞌe! Vaꞌa ni ka kua tá ná käku va ra, ndikuu ―káchi Jesús xiꞌin nda.

San Lucas 10:24

Ndisaa vi nda ndi̱kaꞌan ndoso tuꞌun yuꞌu Ndioxi xiꞌin nda rey nda ku̱u mií chiñu ndee xinaꞌa, ku̱ni nda kuni nda ya xíto ndo xiꞌin ya xíni soꞌo ndo tiempo vitin, sundi köo ndi̱xini nda ya, ni köo ndi̱xini soꞌo nda ya ―káchi Jesús xiꞌin nda.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

Los Hechos 10:43

Xa yachi ndi̱kaꞌan nda káꞌan ndoso tuꞌun yuꞌu Ndioxi xaꞌa Jesús, ndi̱kaꞌan nda tá ná kandixa ñaꞌa na ta xaa kaꞌnu ini ra xaꞌa kuachi na xiꞌin kivi ra ―káchi ra Pedro xiꞌin na.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

Los Hechos 28:23

Ñaa ki̱ndoo na kivi ndá kivi kua ndi̱kaya na kuni soꞌo na kaꞌan ra. Ta kuaꞌa ka vi na ndi̱xaa nuu ra kivi ya ki̱ndoo na. Ñaa xa̱á ra ndítuꞌun ra xiꞌin na nuu ndíkuiin ra xaꞌa ichí ya xáꞌnda chiñu Ndioxi. Nda xitaan xa̱á ra káꞌan ra iin saa nda xikuaa. Síxinu ra ini na ya kundaa ini na xaꞌa Jesús, chi suvi xaꞌa ra kua ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

Los Hechos 7:52

Saa chi xii sikua ndo ku na xa̱a nduvaꞌa ni xiꞌin nda ndi̱kaꞌan ndoso tuꞌun yuꞌu Ndioxi xinaꞌa, nda ndi̱tuꞌun xaꞌa taa ra xa íyo tuꞌun xaꞌa kixi. Ta ra ikán ku ra ti̱in ndo ndi̱taxi ndo ra ndaꞌa na sáa ini xíni ñaꞌa ta xa̱ꞌni na ra.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

HEBREOS 11:40

Saa chi ku̱ni ra taxi ra ya vaꞌa ni ka ndaꞌa na, taꞌan ya chi̱tuni ra taxi ra ndaꞌa yoo, saa chi saa kua iin kachi nduu vaꞌa ni ka na nuu ra xiꞌin yoo.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

1 Pedro 1:13

Xaꞌa ya ikán kua koo ndúvi ndo vívií ndikani ini ndo, táku koo ini ndo, ndee ni ndaku koo ini ndo ya ndikiꞌin ndo ñaꞌa vaꞌa ya niꞌi ndo nuu Tata yo Jesucristo tá ná ndiko koo ra kixi ra.