1 Pedro 1:1 - Xochapa Mixteco

¹ Yeꞌe Pedro, ra kúu apóstol ra ti̱ꞌvi Tata yo Jesucristo xáa chiñu nuu ra ku i táa tutu yóꞌó xaa ya nuu ndóꞌo̱ ñani yo xiꞌin kuꞌva yo na ndi̱kaxin Ndioxi. Ndóꞌo ka̱na koo kuaꞌan ndóo ndo inka ñuu xíka ni ya kúu ñuu Ponto xiꞌin ñuu Galacia tin ñuu Capadocia xiꞌin ñuu Asia tin ñuu Bitinia.

1 Pedro 1:1 Mawu Ofanana

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Mateo 24:22

Ta xaꞌa ya kúꞌvi ni ini Ndioxi xíni ra na ndi̱kaxin ra ndíkun ichí ra kua chi̱tuni ra loꞌo kivi ndoꞌo na ñuu ivi yóꞌó. Tá ra köo ndi̱chituni ku ra ya ndoꞌo na loꞌo kivi ta nda iin naꞌa käku, ndikuu.

San Mateo 4:18

Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.

San Lucas 18:7

Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na?

San Juan 11:52

Ta süvi xaꞌa ndisaa na judío kua kuvi ra, sundi ndi̱kaꞌan ra saa ya ná ndikitaꞌan ndiꞌi ni kúu na nduu seꞌe Ndioxi, na ndi̱xita yava ñuu ivi.

San Juan 7:35

Saa xa̱á nda judío ndákan tuꞌun taꞌan mií nda, káchi nda saa: ―¿Míí chí kuꞌun ra yakan káꞌan ra, küchiñu yo niꞌi ñaꞌa yo? ¿Án sana kuꞌun ra ñuu na griego nuu ndóo sava na taꞌan yo, ta kuꞌun ra sinaꞌa ra na griego ikán?

Los Hechos 18:2

Ta ikán ndi̱kitaꞌan ra xiꞌin iin ra náni Aquila, ta ra judío ku ra, ñuu Ponto ka̱ku ra, saa ndi̱xaa ra xiꞌin yá síꞌi ra yá Priscila ñuu Corinto, ta yachi ndixiyo na ñuu Italia. Saa ku̱u iin ichí xa̱ꞌnda ra rey Claudio chiñu ya kee ndiꞌi na judío ndóo ñuu Roma ikán kuꞌun na. Xaꞌa ya ikán kua ke̱ta ra Aquila xiꞌin yá síꞌi ra yá Priscila kuaꞌan na, sikan ndi̱xaa na ndóo na ñuu Corinto. Saa ndi̱xaꞌan ra Pablo xíto ra na.

Los Hechos 18:23

Saa ndi̱xiyo ra uvi ndaá kivi ñuu ikán. Ñaa ndi̱kiꞌin ra kuaꞌan ra iin iin ñuu ya ñúꞌu estado Galacia xiꞌin estado Frigia. Kuaꞌan ra káꞌan ka ra xiꞌin na ndíkun Jesús, chíndee ra na ya ná kandixa ka na Jesús.

Los Hechos 19:10

Uvi kuiya i̱kan ra saa, ndi̱xika ra si̱naꞌa ra ndiꞌi mií na ndóo estado Asia ikán, xi̱ni soꞌo na judío tin na griego tuꞌun ya ndi̱kaꞌan ra xaꞌa Tata yo Jesús.

Los Hechos 6:9

Saa ndi̱kuita na xáꞌan veꞌe ñuꞌu ya náni veꞌe ñuꞌu na Xíka Ndíka. Ta köo íyo yuꞌu na ikán xiꞌin ra Esteban xaꞌa ya ikán kua xa̱á na káni taꞌan na xiꞌin tuꞌun xiꞌin ra. Suvi na judío kúu va na, ta ke̱e na inka ñuu, na ke̱e ñuu Cirene tin na ke̱e ñuu Alejandría, xiꞌin na ke̱e estado Cilicia xiꞌin na ke̱e estado Asia.

Los Hechos 8:4

Tá ndi̱xita na ndíkun Jesús, ka̱na koo na ñuu Jerusalen kuaꞌan na, ta ndiꞌi saa ñuu nuu kuaꞌan na ta ndítuꞌun na tuꞌun vaꞌa xaꞌa Jesús kuaꞌan na.

1 Corintios 16:19

Tíꞌvi ni na ñani yo, na veꞌe ñuꞌu, ya ndóꞌni chí estado Asia yóꞌó, tuꞌun mani xaa nuu ndo, saa tu ra Aquila, ñani yo, xiꞌin yá síꞌi ra, yá Priscila, saa tu na ñani yo, na ndíkitaꞌan veꞌe va na, tíꞌvi ni na tuꞌun mani xaa ya nuu ndo, xaꞌa ya iin káchi kándixa ndo Tata yo Jesucristo.

2 Corintios 1:8

Ñani yo, kúni nde ná kundaa ini ndo xaꞌa tindoꞌo ya ndee ni ki̱xi nuu nde chí estado Asia. Yáꞌa ni vi ndee tindoꞌo ki̱xi nuu nde, ndi̱ndiꞌi ka vi ini nde, ni köo ndi̱chikaa ka ini nde ya kutaku nde.

Gálatas 1:2

Ta ndiꞌi na ñani yo ndóo nuu íyo i yóꞌó, tíꞌvi ni na tuꞌun mani xaa nuu ndiꞌi ndóꞌo̱, na taꞌan yo, na veꞌe ñuꞌu ndóo ndiꞌi estado Galacia.

Efesios 2:12

Ndikaꞌán ini ndo kivi tá köo Jesucristo ndi̱xiyo xiꞌin ndo, ta ndi̱xiyo xíka ni va ndo nuu ra, ta xaꞌa ya köo kúu ndo na ñuu Israel yakan köo ndi̱xiyo ichí ndaꞌa ndo niꞌi ndo ya ki̱ndoo Ndioxi taxi ra ndaꞌa na Israel. Ndaꞌvi ni ndi̱xiyo ndo ñuu ivi yóꞌó, chi nda loꞌo köo ndi̱kundaa ini ndo xaꞌa Ndioxi ra ndaa. Yakan nda loꞌo köo ndi̱xika ini ndo niꞌi ndo ya vaꞌa nuu ra.

Efesios 2:19

Xaꞌa ya ñaa kua, ndóꞌo̱ ta köo kúu ka ndo na ke̱e inka ñaꞌñu ñuu xíka ni, ta ni köo kúu ka tu ndo naꞌa, na xíka tá ñuu tá ñuu, chi xa iin ndu̱u ndo xiꞌin na ñuu Ndioxi, na i̱í, ta iin veꞌe ndu̱u yo xiꞌin taꞌan yo xaꞌa ra.

2 Timoteo 1:15

Xa xíni mií un ya si̱ndoo ndaꞌa ndiꞌi na taꞌan yo, na ndóo estado Asia yeꞌe, saa i̱kan ra Figelo xiꞌin ra Hermógenes xiꞌin i.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.