1 Juan 5:7 - Xochapa Mixteco

⁷ Uni ku na ndíkuiin xaꞌa ra nuu ndivi: Iva yo Ndioxi tin Tuꞌun ra xiꞌin Tachi I̱í Ndioxi ku na ndíkuiin xaꞌa ra, ta iin ku uni saa na yóꞌó.

1 Juan 5:7 Mawu Ofanana

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 18:16

Sundi tá tu köo xíin ra kuni soꞌo ra ya káꞌan un xiꞌin ra, vaꞌa kaꞌan un xiꞌin iin án uvi ka nda ñani un ya kuꞌun nda xiꞌin un kaꞌan un xiꞌin ra, ya ná koo nda testigo ndikuiin nda xaꞌa ndo.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Juan 1:1

Tá täꞌan xi̱koo ñuu ivi yóꞌó, ta xa íyo va ra kúu tuꞌun Ndioxi, ta ra kúu tuꞌun Ndioxi ikán xa íyo va ra xiꞌin Ndioxi tá yachi, ta suvi mií ra kúu tuꞌun ikán ku ra kúu Ndioxi.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 12:28

Ta saa ndi̱kaꞌan ra xiꞌin Ndioxi, káchi ra saa: ―Tata Iva i, vaꞌa xaa súvi un chiñu ya ná xaa kaꞌnu na yóꞌo̱ ―káchi ra. Ta saa ke̱ta tachi Ndioxi nuu ndivi ndi̱kaꞌan ya, káchi ya saa: ―Xa xa̱a súvi i chiñu chee ni ya xaa kaꞌnu na yeꞌe saa chinuu sukun ni na ya toꞌo i, ta ikan tuku i saa ―káchi Ndioxi.

San Juan 14:17

Ta ya ikán ku Tachi Ndioxi ya sinaꞌa ndóꞌo̱ xaꞌa ya ndaa. Ta na köo ndíkun yeꞌe ta küvi ndikiꞌin na ya koo ya xiꞌin na, chi köo xíni na ya, ta ni küchiñu na kuni xiꞌin nuu na ya. Sundi ndóꞌo̱ ndíkun yeꞌe ta xíni ndo ya, ta íyo ya xiꞌin ndo, saa koo ya xiꞌin ndo ndiꞌi saa ichí.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 5:26

Saa chi Ndioxi ta kúu mií ra ndee táxi ra táku mií ra ta suvi ndee ikán ta̱xi ra ndaꞌa Seꞌe ra ya iin káchi táku ra xiꞌin ra.

San Juan 8:18

Ta yeꞌe ndíkuiin i xaꞌa mií va i. Ta saa tu Iva i ra ti̱ꞌvi yeꞌe vaxi i, ndíkuiin ra xaꞌa i ―káchi Jesús xiꞌin nda.

San Juan 8:54

Saa ndi̱kuiin Jesús káꞌan ra: ―Tá ná chinuu vaꞌa i tuꞌun i, ta köo ndá yaꞌvi ya káꞌan i xaꞌa i. Sundi Iva i ra káꞌan ndo kúu Ndioxi ndo, ra ikán ku ra chínuu vaꞌa tuꞌun i.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 5:32

Ta ndeꞌe ku testigo xaꞌa ya yóꞌó, saa tu Tachi I̱í Ndioxi ya táxi ra ndaꞌa ndiꞌi na xíni soꞌo ya káꞌan ra ―káchi ra Pedro xiꞌin na chiñu ikán.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

1 Juan 1:1

Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.

1 Juan 5:6

Ya si̱naꞌa Tata yo Jesucristo nuu yo ya ke̱e ra nuu Ndioxi kua yóꞌó: tikuii nduta chi̱chi ra tin nií ra nduta ndi̱xita nuu cruzin tá ndi̱xiꞌi ra. Nduta ikán ku rá sínaꞌa yoo ya kúu ra Seꞌe Ndioxi. Ta süvi ndisaa tikuii ndíkuiin xaꞌa ra, ndíkuiin tu nií va ra xaꞌa ra. Ta saa ndíkuiin tu Tachi Ndioxi va xaꞌa ra, saa chi ya ikán ku ya ndaa.

1 Juan 5:8

Tachi Ndioxi tin tikuii nduta chi̱chi ra xiꞌin nií ra nduta ndi̱xita nuu cruzin ku rá ndíkuiin xaꞌa ra ñuu ivi yóꞌó. Ta iin yuꞌu ku uni saa ya.

El Apocalipsis 19:13

Ta toto ndíxi ra ta iin chi̱chi ndiꞌi nií ya. Saa íyo inka kivi ra nani ra: “Tuꞌun Ndioxi”.