1 Juan 5:16 - Xochapa Mixteco

¹⁶ Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.

1 Juan 5:16 Mawu Ofanana

San Lucas 12:10

’Tá ndá naꞌa kánaꞌa xaꞌa yeꞌe ra kúu Taa ra xa̱a ñuu ivi yóꞌó ta xaa kaꞌnu va ini Ndioxi xaꞌa na. Sundi tá tu kánaꞌa na xaꞌa Tachi I̱í Ndioxi ta xäa kaꞌnu ini ra xaꞌa na ―káchi Jesús.

San Juan 17:9

’Yakan xíkan i ya mani nuu un xaꞌa na. Köo káꞌan i xiꞌin un xaꞌa na ñuu ivi. Ndisaa xaꞌa na ta̱xi un ndaꞌa i káꞌan i xaꞌa xiꞌin un, chi kuenta mií un ku na.

2 Timoteo 4:14

Ta ra Alejandro, ra xáa chiñu xiꞌin kàà, ta yáꞌa ni kini i̱kan ra xiꞌin i. Ta mií Iva yo ná chaꞌvi ra xaꞌa ya i̱kan ra saa xiꞌin i.

1 Juan 5:17

Saa chi ndiꞌi kúu ya väꞌa íkan yo, ta kuachi ku ndiꞌi ya nuu Ndioxi. Sundi íyo kuachi ya köo síndiꞌi xaꞌa yoo.