1 Juan 5:13 - Xochapa Mixteco

¹³ Táa i tutu yóꞌó xaa nuu ndiꞌi ndóꞌo̱ na kándixa Jesús ra kúu Seꞌe Ndioxi. Táa i ya xaa nuu ndo ya ná kundaa ini ndo ya koo ndo xiꞌin Ndioxi ndiꞌi saa tiempo ya vaxi, saa táa i ya nuu ndo ya ná kandixa ni ndo tixin kivi ra.

1 Juan 5:13 Mawu Ofanana

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 21:24

Ta yeꞌe ku ra ikán, ra xi̱taꞌan xiꞌin Jesús, ta táa i ya yóꞌó ya ná kundaa ini ndo. Tá íyo ya xi̱ni i, saa íyo ya ndítuꞌun i xiꞌin ndo. Ta ya ndítuꞌun i xiꞌin ndo ta ya ndaa ni ku ya.

San Juan 3:18

’Ta ndiꞌi na kándixa Seꞌe Ndioxi ta küꞌun na nuu ndoꞌo ni na, sundi na köo xíin kandixa Seꞌe ra ta xa chi̱tuni Ndioxi ndiꞌi xaꞌa na, chi xïin na kandixa na kivi Seꞌe Ndioxi, ra iindaa mituꞌun nuu ra.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

Los Hechos 3:16

Xaꞌa ya kándixa nde Jesús ya ndee ni ndee kúu mií kivi ra, yakan vaꞌa ndu̱vaꞌa ra yóꞌó. Xiꞌin ndee Jesús ndu̱vaꞌa ra ta xíto xiꞌin nuu ndo ra ndíchi ra nuu ndo vitin ―káchi ra Pedro xiꞌin na.

Los Hechos 4:12

Iindaa mituꞌun Jesús ku ra kúu mií ndee ya sikaku ra yoo. Nda iin na ñuu ivi yóꞌó ta köo na kuchiñu sikaku yoo, nda iin ñaꞌñu nïꞌi yo na sikaku mií yo, iindaa Jesús ku ra kúu mií ndee ya ta̱xi Ndioxi ndaꞌa ra sikaku ra yoo ―káchi ra Pedro xiꞌin ndiꞌi na xikuaꞌa ikán tin na chiñu.

2 Corintios 5:1

Ta xa kúndaa vaꞌa ini yo chi ikin kuñu yo ya kúu mií yo ñuu ivi yóꞌó, ta tá íyo veꞌe manta ya ndíꞌi xaꞌa va saa íyo ya. Sundi tá ná ndiꞌi xaꞌa ya yóꞌó, ta xa íyo inka veꞌe ikin kuñu yo ya xa̱á si̱kuaꞌa Ndioxi nuu ndivi. Ta ya ikán ta köo ndíꞌi xaꞌa ya, ndiꞌi saa ichí koo ya chi süvi na ñuu ivi yóꞌó ku na ndi̱sikuaꞌa ya.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.

1 Juan 1:4

Ta ya táa nde tutu yóꞌó xaa ya ndaꞌa ndo, ta ya vaꞌa ná kusini ni ka va ndo kua.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

1 Juan 2:21

Táa i tutu yóꞌó xaa ya ndaꞌa ndo, chi xa xíni ndo ya ndaa ta süvi ndo täꞌan kundaa ini xiꞌin ya ndaa ku ndo. Chi ndóꞌo̱ ta xa kúndaa vaꞌa ini ndo xiꞌin ya ndaa, saa chi nuu íyo ya ndaa, ta köo ka ya vata íyo.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

1 Juan 2:26

Táa i ya yóꞌó xaa nuu ndo ya ná kiꞌin ni ndo kuenta xiꞌin naꞌa, na kúni sindaꞌvi ndóꞌo̱.

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

1 Juan 4:9

Ta soꞌva kua si̱naꞌa Ndioxi yoo ya kúꞌvi ni ini ra xíni ra yoo, saa chi ti̱ꞌvi ra Seꞌe mani ra, ra iindaa mituꞌun nuu ra, ki̱xi ra taxi ra kutaku yo tixin ra.

1 Juan 5:10

Ta ndiꞌi na kándixa Jesús ra kúu Seꞌe Ndioxi, ta íyo tu ya ndíkuiin xaꞌa ra ini na ikán va. Ta naꞌa, na xïin kandixa ya káꞌan Ndioxi xaꞌa Seꞌe ra, ta tá káa ra vata saa ndása na ra, saa chi köo xíin na kandixa na ya káꞌan Ndioxi xaꞌa Seꞌe ra.

1 Juan 5:11

Ta ya ndíkuiin ini yo kua yóꞌó, ta̱xi Ndioxi ichí táku yo xiꞌin ra ndiꞌi saa tiempo. Chi Jesucristo Seꞌe ra ku ra táxi táku yo xiꞌin ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.