1 Juan 5:1 - Xochapa Mixteco

¹ Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

1 Juan 5:1 Mawu Ofanana

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Lucas 7:5

Suvi ra si̱kuaꞌa veꞌe ñuꞌu sinagoga ya íin ñuu nde yóꞌó, ta kúꞌvi ni ini ra xíni ra na ñuu yo Israel ―káchi na xiꞌin Jesús.

San Juan 1:3

Tixin ra ikán kua si̱kuaꞌa Ndioxi ndiꞌi ñaꞌa. Nda iin ya köo ndi̱kan mií Ndioxi, sundi ndiꞌi ni kúu ya íyo, ta tixin ra ikán si̱kuaꞌa ndiꞌi Ndioxi ya.

San Juan 15:23

Ndiꞌi na kúndasi nuu xíni yeꞌe, ta kúndasi nuu tu na xíni na Iva va i.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

Los Hechos 8:37

Saa ndi̱kuiin ra káꞌan ra: ―Tá tu ndinuꞌu ini un kándixa un ya ndi̱kaꞌan i xiꞌin un ta vaꞌa kuchi va un ―káchi ra xiꞌin ra. Saa ndi̱kaꞌan ra káchi ra saa: ―Ndinuꞌu ini i kándixa i ya kúu Jesucristo Seꞌe Ndioxi ―káchi ra.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

1 Juan 2:10

Sundi iin na kúꞌvi ni ini xíni taꞌan, ta kúni kachi ya xíka na nuu yéꞌe̱. Nda iin ñaꞌa küchiñu sindikava na ya ikan na ya väꞌa.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

1 Juan 3:17

Tá ndá yo íyo ñaꞌa nuu, ta xíto yo na taꞌan yo köo ñaꞌa na, saa ndíkasi yo nima yo nuu na, köo xíin yo chindee yo na, ta ya yóꞌó kúni kachi ya: Köo kúꞌvi ini yo xíni yo Ndioxi.

1 Juan 3:9

Ndiꞌi na kúu seꞌe Ndioxi ta köo íkan ka na ya väꞌa, chi Ndioxi ta xa íyo ra nima na, yakan küvi ka ikan na ya väꞌa, chi na xa ndi̱kaku uvi ku na i̱kan ra, ndu̱u na seꞌe ra.

1 Juan 4:2

Ta xiꞌin ya yóꞌó ndíkuni ndo na, tá tu ndixa Tachi Ndioxi síkaꞌán ini na kaꞌan na: tá ndíkuni na Tata yo Jesucristo ya ki̱xi ra ñuu ivi yóꞌó ta ndu̱u ra ra ivi tá íin mií yo na ivi yóꞌó, káchi na, ta na ñaa ku na kúu mií Tachi Ndioxi.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:7

Ñani yo, ná kuꞌvi ni ini yo kuni taꞌan yo chi ya kúꞌvi ni ini yo taꞌan yo ta nuu Ndioxi vaxi ya, saa xáꞌnda chiñu ra nuu yo. Ta ndiꞌi na kúꞌvi ni ini xíni taꞌan, ta na ñaa ku na ka̱ku nuu Ndioxi saa xíni na Ndioxi.

1 Juan 5:18

Ta yoo ndixa ndíkun Iva yo Ndioxi ta küvi ikan yo ya väꞌa tutuku tutuku. Saa chi ndáa Jesucristo Seꞌe Ndioxi mií yo ndíkun ñaꞌa. Ta täxi ra ndikava ndikuu yo ndaꞌa kiti nǎꞌa.

1 Juan 5:4

Saa chi ndiꞌi yo kúu seꞌe Ndioxi, ta kúchiñu yo nuu ya väꞌa íyo ñuu ivi yóꞌó. Xaꞌa ya ndáa ni ini yo Ndioxi xiꞌin Tata yo Jesucristo yakan vaꞌa kúchiñu yo nuu ya väꞌa.

1 Juan 5:5

Ndiꞌi na kándixa Jesús ya kúu ra Seꞌe Ndioxi, na ikán ku na kúchiñu nuu ya väꞌa íyo ñuu ivi yóꞌó.