1 Juan 4:7 - Xochapa Mixteco

⁷ Ñani yo, ná kuꞌvi ni ini yo kuni taꞌan yo chi ya kúꞌvi ni ini yo taꞌan yo ta nuu Ndioxi vaxi ya, saa xáꞌnda chiñu ra nuu yo. Ta ndiꞌi na kúꞌvi ni ini xíni taꞌan, ta na ñaa ku na ka̱ku nuu Ndioxi saa xíni na Ndioxi.

1 Juan 4:7 Mawu Ofanana

San Juan 13:34

Ta ya yóꞌó ku iin chiñu xa̱á sindoo i ndaꞌa ndo: Kuꞌvi ni ini ndo kuni taꞌan ndo, tá kuꞌva kúꞌvi ini i xíni i ndóꞌo̱, ta kuꞌva saa kuꞌvi ni tu ini ndóꞌo̱ va kuni taꞌan ndo.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

1 Corintios 8:3

Sundi ndá naꞌa kúꞌvi ni ini xíni Ndioxi, ta saa tu mií va ra xíni vaꞌa ra ini na.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

Gálatas 4:9

Ta vitin xa xíni ndo Ndioxi ra ndaa. Án xa xíni vaꞌa mií ra ndóꞌo̱, ná kachi yo. Ta saa, ta ¿ndachu kúni ndo ndiko koo tuku ndo ndinaꞌa ndo taꞌan ya ndi̱naꞌa ndo yachi, ya ndínaꞌa na ñuu ivi yóꞌó, ta ni köo ndáa yaꞌvi ya íkan na? ¿Án kúni tuku ndo nduu ndo tá íin naꞌa, na xáa chiñu xiꞌin ya nduxa?

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

2 Timoteo 1:7

Saa chi Tachi I̱í Ndioxi ya ta̱xi ra íyo xiꞌin yo ta köo táxi ya nduu yo naꞌa, na ìyo ni, ta̱xi ya ndee ndaꞌa yo ya ná ndundee ni ini yo ta ná küiꞌvi yo, saa ná kuꞌvi ni ini yo kuni taꞌan yo, ta ná koo káxin teꞌe ini yo.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Juan 2:10

Sundi iin na kúꞌvi ni ini xíni taꞌan, ta kúni kachi ya xíka na nuu yéꞌe̱. Nda iin ñaꞌa küchiñu sindikava na ya ikan na ya väꞌa.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 2:3

Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 2:7

Ñani yo xiꞌin kuꞌva yo, ya xáꞌnda chiñu i nuu ndo vitin, ta süvi iin ya xa̱á kua, chi suvi tuꞌun ya xa xi̱ni soꞌo ndo tá kivi sikan ka̱ndixa ndo Tata yo Jesucristo ku ya. Taꞌan tuꞌun ikán kua táa i nuu tutu yóꞌó xaa ndaꞌa ndo. Tuꞌun yata, ya xa xi̱ni soꞌo ndo yachi tá núnu̱ú vi kua káꞌan i xiꞌin ndo.

1 Juan 3:9

Ndiꞌi na kúu seꞌe Ndioxi ta köo íkan ka na ya väꞌa, chi Ndioxi ta xa íyo ra nima na, yakan küvi ka ikan na ya väꞌa, chi na xa ndi̱kaku uvi ku na i̱kan ra, ndu̱u na seꞌe ra.

1 Juan 4:11

Ñani yo, tá tu soꞌva kúꞌvi ini Ndioxi xíni ra mií yo, ta saa tu yoo va xíniñuꞌu yo kuꞌvi ni ini yo kuni taꞌan yo.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.

1 Juan 4:16

Xíni yo ndá kuꞌva íyo ini Ndioxi, ta kúndaa ini yo ya kúꞌvi ni ini ra xíni ra yoo. Saa chi Ndioxi ta mani ni yoo nuu ra. Ndiꞌi na kúꞌvi ini xíni taꞌan, ta ítaꞌan vaꞌa na xiꞌin Ndioxi, saa Ndioxi ítaꞌan vaꞌa ra xiꞌin na.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:8

Na köo kúꞌvi ini xíni taꞌan, kúni kachi ya köo xíni na Ndioxi, saa chi Ndioxi ta kúꞌvi ni ini ra xíni ra ndiꞌi na.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

2 Juan 1:5

Ta vitin xíkan ni i ya mani nuu ndo, síndikaꞌan i ndóꞌo̱ xaꞌa tuꞌun ya xa xi̱ni soꞌo ndo yachi, saa chi ya ikán kua xáꞌnda chiñu nuu yo ya ná kuꞌvi ni ini yo kuni taꞌan yo ta xa xíni ndo ya yóꞌó, süvi ya xa̱á kua xáꞌnda chiñu i nuu ndo.