1 Juan 4:20 - Xochapa Mixteco

²⁰ Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:20 Mawu Ofanana

San Juan 13:35

Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:11

Sundi naꞌa, na kúndasi nuu xíni taꞌan, ta íyo na nuu naá, saa xíka na nuu naá, ta köo xíni na nuu xíka na chi küvi koto na, tá íin na kuáa̱ saa ndu̱u na xiꞌin ya naá.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 2:9

Tá ndá na káꞌan xíka na ichí Jesucristo, káchi na, ta kúndasi nuu na xíni na taꞌan na, ta kúni kachi ya köo xíka na nuu yéꞌe̱. Nuu naá va xíka na.

1 Juan 3:17

Tá ndá yo íyo ñaꞌa nuu, ta xíto yo na taꞌan yo köo ñaꞌa na, saa ndíkasi yo nima yo nuu na, köo xíin yo chindee yo na, ta ya yóꞌó kúni kachi ya: Köo kúꞌvi ini yo xíni yo Ndioxi.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.