1 Juan 3:8 - Xochapa Mixteco

⁸ Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

1 Juan 3:8 Mawu Ofanana

San Mateo 12:28

Ta yeꞌe kúu mií i ndee Tachi Ndioxi ya táva i tachi nduvaꞌa, ya yóꞌó kúni kachi ya: Xa ti̱ndaa kivi ya xa̱á Ndioxi xáꞌnda chiñu ra nuu na ñuu ivi yóꞌó.

San Mateo 13:38

Ta ñuꞌú nuu chi̱ꞌi ra trigo kúu ñuu ivi yóꞌó. Ta ndikin trigo ku ya káꞌan xaꞌa naꞌa, na xíka ichí nuu xáꞌnda chiñu Ndioxi. Iku ya väꞌa ku ya káꞌan xaꞌa naꞌa, na ndíkun ichí kiti nǎꞌa.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Marcos 1:24

―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.

San Lucas 10:18

Saa ndi̱kaꞌan ra xiꞌin nda, káchi ra saa: ―Yeꞌe ta xi̱ni va i kiti nǎꞌa, kiti Satanás, ke̱ta ri nuu ndivi. Tá káa iin taxan, saa káa ri ndi̱kava ri nuu ñuꞌú.

San Juan 12:31

Vitin kua ti̱ndaa kivi ya taxi Ndioxi kuachi xaꞌa na ñuu ivi. Ta kindaa ra ichí ndaꞌa kiti nǎꞌa, ri xáꞌnda chiñu ñuu ivi yóꞌó, keta ri kuꞌun ri.

San Juan 16:11

Ta suvi mií ya chindee na kundaa ini na saa chi xa ndi̱taꞌnda xaꞌa kiti nǎꞌa, kiti ínuu nuu ndiꞌi tachi nduvaꞌa, ri xáꞌnda nuu na ñuu ivi yóꞌó, ndi̱taꞌnda xaꞌa ri ya ndiꞌi xaꞌa ri.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

Colosenses 2:15

Ta xaꞌa ya ndi̱xiꞌi Tata yo Jesucristo nuu cruzin kua ku̱chiñu ra si̱ndiꞌi xaꞌa ra ndiꞌi nuu ndee ya xáꞌnda chiñu ñuu ivi yóꞌó. Ta nuu ndiꞌi ni kúu naꞌa ki̱ndaa ra ndee ikán ndaꞌa ndiꞌi tachi nduvaꞌa. Tá ndóꞌo naꞌa tá kuaꞌan na veꞌe kàà, núꞌni na kuaꞌan na xiꞌin ya nduxa. Ta saa i̱kan ra xiꞌin ndiꞌi ndee ikán, si̱ndiꞌi xaꞌa ndiꞌi ra ya.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 2:14

Tá kúu seꞌe na iva siꞌí, iin nuu ku ikin kuñu ndiꞌi na ta iin nuu kuu tu nií va na. Ta saa xi̱niñuꞌu Tata yo Jesús ndu̱u ra, ra ivi taꞌan mií yo, ndi̱xiyo ikin kuñu ra ta ku̱u mií ra nií taꞌan yoo, saa ndi̱xiꞌi ra xaꞌa ya ikán kua ku̱chiñu ra si̱ndiꞌi xaꞌa ra ndee kiti nǎꞌa ya xáꞌni ndìì.

HEBREOS 9:26

Tá ndi̱kan Jesucristo tá kuꞌva i̱kan nda sutu ikán tá nuu kuiya, ta nda tá xa̱á xi̱koo ñuu ivi yóꞌó vi xíniñuꞌu ra kuvi ra kuaꞌa ni ichí, ndikuu. Sundi tiempo ya ku̱yati ndiꞌi xaꞌa ñuu ivi ndóo yo vitin kua ki̱xi ra, ta iindaa va ichí ndi̱taxi ra mií ra ndisoko ra mií ra xaꞌa yo, ta ya i̱kan ra saa ndi̱taxi ra mií ra ndaꞌa Ndioxi yakan si̱ndiꞌi xaꞌa ra kuachi yo.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

1 Juan 1:2

Ta ndu̱u ra, ra ivi tá íin mií yo ivi yóꞌó. Saa ki̱xi ra ñuu ivi yóꞌó ta xi̱ni xiꞌin nuu nde ra yakan kua ndíkuiin nde xaꞌa ra tin káꞌan nde xaꞌa ra xiꞌin ndo. Chi ra ikán ku ra táxi kutaku yo xiꞌin Ndioxi ndiꞌi saa kivi, ta xiꞌin Iva yo Ndioxi ndi̱xiyo ra, ta vitin ndi̱tuvi ra nuu yo.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 3:5

Ta ndóꞌo̱ xa xíni ndo ya ki̱xi Tata yo Jesucristo ñuu ivi yóꞌó ki̱ndaa ra kuachi yo. Chi mií ra ta nda iin kuachi ra köo.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.

Judas 1:6

Ta ndikaꞌán tu ini ndo ya kundo̱ꞌo na tatun Ndioxi, na köo ndi̱xaa súvi chiñu ya xa̱ꞌnda chiñu Ndioxi nuu na, si̱ndoo ndaꞌa na chiñu vaꞌa ni ta̱xi ra ndaꞌa na xaa súvi na. Ta xaꞌa ya ikán kua ta̱an ra na veꞌe kàà nuu naá ni, núꞌni na, ta ikán kuñuꞌu na ndiꞌi saa kúu tiempo ya vaxi, ta kundátun na nda ná tindaa kivi nuu yáꞌa ni ndee kuu ya xaa nani Ndioxi kuachi xiꞌin ndiꞌi na ñuu ivi.

El Apocalipsis 20:10

Saa tiin na tatun Ndioxi kiti nǎꞌa, kiti si̱ndaꞌvi ni naꞌa, ta kiꞌin na ri sikana táku na nuu xitun nuu ndee ni xíxi ñu̱ꞌu̱ xiꞌin ñu̱ꞌú káꞌndi ya náni azufre. Ta nuu xíxi ni ñu̱ꞌu̱ ikán xa si̱kana tu na kiti ìyo ni káa xiꞌin ra profeta vata ra xa̱a chiñu nuu ri. Ikán ku nuu tíxuꞌvi ni na nduvi niuun saa tixuꞌvi na ndiꞌi saa kivi ya vaxi.

El Apocalipsis 20:15

Ta ndiꞌi na köo ndóso kivi nuu tutu Ndioxi ya koo na xiꞌin ra, ta ki̱ꞌin tatun Ndioxi na ta̱an ya ini xitun nuu ndee ni xíxi ñu̱ꞌu̱.