1 Juan 3:7 - Xochapa Mixteco

⁷ Na taꞌan yo, tá íin seꞌe i saa íin ndo, ta káꞌan i xiꞌin ndo täxi ndo sindaꞌvi naꞌa ndóꞌo̱. Chi na íkan ya ndaa ta na vaꞌa ku na, tá káa mií Tata yo Jesucristo ra vaꞌa ku ra.

1 Juan 3:7 Mawu Ofanana

San Mateo 5:20

Ya ndixa káꞌan i xiꞌin ndo, tá tu köo íkan ndo ya vaꞌa ndinuꞌu nuu Ndioxi, ta küchiñu ndo kiꞌvi ndo koo ndo nuu xáꞌnda chiñu ra. Yakan tá tu kúni ndo kiꞌvi ndo nuu xáꞌnda chiñu ra, ta xíniñuꞌu ndo vaꞌa ni ka ikan ndo ya vaꞌa nuu taꞌan ya íkan nda fariseo xiꞌin nda sínaꞌa ley Ndioxi ―káchi Jesús xiꞌin na.

San Lucas 1:75

Chi ïkan ka yo ya väꞌa, nduu i̱í yo ndiꞌi saa kivi ya koo yo ñuu ivi yóꞌó ―káchi ra Zacarías. Ta saa ndi̱kaꞌan ra xiꞌin ya loꞌo seꞌe ra, káchi ra saa:

Los Hechos 10:35

Saa chi kúꞌvi ni ini ra xíni ra ndiꞌi ni kúu na káñuꞌu ñaꞌa ta íkan na ya vaꞌa, köo kíꞌin ra kuenta ndá ñuu ku na.

ROMANOS 2:13

Naꞌa na xáa súvi ley Ndioxi ku naꞌa na köo kuachi ku mií nuu ra. Ta na ndisaa xíni soꞌo ya ta köo xáa súvi na ya, na ikán ku na íyo kuachi nuu ra.

1 Corintios 6:9

¿Án köo xíni ndo, naꞌa, na íkan ya väꞌa ta küchiñu na koo na xiꞌin Ndioxi nuu xáꞌnda chiñu ra? Sïndaꞌvi ndo mií ndo chi ni na xíka sií xiꞌin taꞌan küvi koo na xiꞌin Ndioxi, ni na káñuꞌu ndioxi ndíi, ni taa ra kuakiꞌvi xiꞌin inka ñaꞌa, ni ñaꞌa yá kuakiꞌvi xiꞌin inka taa, ni taa ra kíxi xiꞌin inka taa, ni taa ra ndúu síꞌi nuu inka taa,

Efesios 5:6

Täxi ndo sindaꞌvi nda iin naꞌa ndóꞌo̱ ya sixinu na ini ndo ikan ndo ndá ka ñaꞌa ya kini ni káa, ya väꞌa ya yakua ya xáa yakua ikin kuñu ndo. Saa chi Ndioxi ta xaa nduvaꞌa ni ra xiꞌin ndiꞌi naꞌa, na köo xíni soꞌo ya káꞌan ra.

Efesios 5:9

Ta xaꞌa ya íyo Tachi I̱í Ndioxi xiꞌin ndo kua ndu̱u ndo naꞌa, na vaꞌa ni, na köo ka kuachi kúu mií nuu ra, na ndee ni íyo ya ndaa ini.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

HEBREOS 1:8

Sundi xaꞌa Seꞌe ra, káchi ra saa: Yóꞌo̱ ku Ndioxi ta ndiꞌi saa ichí kaꞌnda chiñu un nuu na ñuu ivi yóꞌó, nda iin ichí ndïꞌi xaꞌa chiñu ya kúu mií un, ta ndǎku ni kaꞌnda chiñu un.

HEBREOS 7:2

Saa ta̱va ra Abraham iin iin ñaꞌa tañu ya uxi ki̱ndaa ra ndaꞌa nda rey ikán, ta ta̱xi ra ya ndaꞌa ra Melquisedec. Ta kivi ra Melquisedec kúni kachi ya: “rey ra ndaa ni ini”, ta kivi rey ra ke̱e ñuu Salem kúni kachi ya: “rey ra táxi ndóo vaꞌa ni naꞌa”.

Santiago 1:22

Ta süvi ndisaa xíniñuꞌu ndo kuni soꞌo ndo tuꞌun Ndioxi. Ndóꞌo̱ ta xíniñuꞌu ndo xaa súvi ndo ya káꞌan ya. Chi tá ndisaa xíni soꞌo ndo ya, ta köo xáa súvi ndo ya káꞌan ya, ta síndaꞌvi ndo mií va ndo.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.

1 Pedro 2:24

Tá ndi̱xiꞌi Cristo nuu itun cruzin ta nuu nu ikán kua ndi̱kundiso ndiꞌi ra kuachi yo to̱so ra ya sata ikin kuñu ra kuaꞌan ya xiꞌin ra. I̱kan ra saa xiꞌin yo ya ná köo ka ndee kuu mií kuachi yo ya kaꞌnda chiñu ka ya nuu yo, saa kutaku yo ikan yo ya vaꞌa. Xaꞌa ya ndo̱ꞌo ni ra yakan si̱ndaꞌa ra yoo.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

1 Juan 2:26

Táa i ya yóꞌó xaa nuu ndo ya ná kiꞌin ni ndo kuenta xiꞌin naꞌa, na kúni sindaꞌvi ndóꞌo̱.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.

1 Juan 4:17

Tá ndixinu yo ndinuu kúꞌvi ini yo xíni yo Ndioxi xiꞌin na taꞌan yo, ta ku ïꞌvi yo nuu ra kivi xaa nani ra kuachi yo. Chi tá íyo mií Jesucristo saa íyo yo kivi xíka yo ñuu ivi yóꞌó.