1 Juan 3:22 - Xochapa Mixteco

²² Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.

1 Juan 3:22 Mawu Ofanana

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Marcos 11:24

Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra.

San Juan 14:13

Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

San Juan 6:29

Saa ndi̱kuiin ra ndi̱kaꞌan ra, káchi ra saa: ―Ya yóꞌó kua kúni Ndioxi xaa súvi ndo nuu ra: Kandixa ndo Taa, ra ti̱ꞌvi ra vaxi nuu ndo ―káchi ra xiꞌin na.

San Juan 8:29

Chi Iva i ra ti̱ꞌvi yeꞌe vaxi i ta íyo ra xiꞌin i, köo síndoo mituꞌun ra yeꞌe, íyo ra xiꞌin i ta nina ya kúni mií ra kua íkan i ―káchi Jesús xiꞌin nda.

San Juan 9:31

Kúndaa ini yo, Ndioxi ta köo xíni soꞌo ra ya káꞌan na íyo kuachi, sundi na káñuꞌu ni ñaꞌa ta xáa súvi na ya káꞌan ra, na ikán ku na xíni soꞌo ra káꞌan, tá káꞌan na xiꞌin ra.

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

Los Hechos 20:21

Ndi̱kaꞌan ndoso i tuꞌun ra xiꞌin na kúu judío tin na köo kúu judío, ya xíniñuꞌu na ndiko koo ini na xaꞌa kuachi na nuu Ndioxi, saa xáa na kundaa ni ini na kuni na Tata yo Jesucristo.

Filipenses 4:18

Ndixaꞌvi ni ndo xaꞌa ya ti̱ꞌvi ndo ndaꞌa i chi̱ndee ni ndo yeꞌe chi vitin ta xa íyo ndiꞌi ya xíniñuꞌu i, köo ka ya kúmani nuu i, nda ndóo ndoso ka ya nuu i, saa chi xa ndi̱kiꞌin i ya ti̱ꞌvi ndo vaxi xiꞌin ra Epafrodito, ñani yo. Ta tá káa ya luvi xáꞌan sóko ndo nuu Ndioxi saa káa ya, ta Ndioxi kúsini ni ra xiꞌin ndo.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.

Santiago 4:3

Tá ndúku ndo ya nuu Ndioxi, ta köo níꞌi ndo ya ndúku ndo nuu ra, chi ya ndúku ndo ta ndisaa xaꞌa ya kútoo mií va ndo kua ndúku ndo nuu ra.

Santiago 5:16

Xaꞌa ya ñaa kua xíniñuꞌu ndo naꞌma ndo kuachi ndo nuu taꞌan ndo, saa kaꞌan ndo xiꞌin Ndioxi xaꞌa taꞌan ndo. Ikan ndo saa ya ná sindaꞌa Ndioxi ndóꞌo̱. Chi ndiꞌi naꞌa, na íyo vaꞌa nuu ra, ta xíni soꞌo va ra ya ndúku na nuu ra.

1 Juan 2:3

Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 5:14

Kándixa yo Ndioxi ta xíni yo tá ndá ñaꞌa ndúku yo nuu ra tá kuꞌva kúni mií ra ta kuni soꞌo ra ya kaꞌan yo xiꞌin ra.