1 Juan 3:20 - Xochapa Mixteco

²⁰ Tá táxi nima yo kuachi xaꞌa yo nuu Ndioxi, ta ná kundaa ini yo chi kaꞌnu ni ini mií ra ya xaa kaꞌnu ini ra xaꞌa yo, saa chi xa xíni ndiꞌi va mií ra ya íyo ini yo.

1 Juan 3:20 Mawu Ofanana

San Juan 21:17

Ichí uni ndi̱ndakan tuꞌun tuku Jesús ra Simón Pedro, káchi ra saa: ―Simón, seꞌe ra Jonás, ¿án kúꞌvi ini un xíni un yeꞌe? ―káchi ra xiꞌin ra. Ta saa ku̱chiꞌña ni ini ra, saa chi xa ndi̱xinu uni ichí kua ndákan tuꞌun ñaꞌa ra, ¿án kúꞌvi ini ra xíni ñaꞌa ra? Saa ndi̱kuiin ra Simón Pedro, káchi ra saa: ―Tata, mií un ku un xíni ndiꞌi ñaꞌa. Ta xíni un ya kúꞌvi ni ini i xíni i yóꞌo̱ ―káchi ra xiꞌin ra. Saa ndi̱kuiin Jesús káchi ra saa: ―Tá tu saa, ta kundaa levo sana i ―káchi Jesús xiꞌin ra.

San Juan 8:9

Saa tá xi̱ni soꞌo nda ya ndi̱kaꞌan ra xiꞌin nda, ñaa ku̱kaꞌan nuu nda, tá iin tá iin nda ka̱na koo kuaꞌan, xiꞌna nda chee ka̱na koo kuaꞌan, ta saa ndíkun nda kuvali kuaꞌan nda. Saa tá ka̱na koo ndiꞌi nda kuaꞌan nda, ta ndi̱ndoo siindaa mií yá ndíchi yá nuu Jesús.

Los Hechos 5:33

Ñaa tá xi̱ni soꞌo na chiñu ya ndi̱kaꞌan ra ta ndi̱saa ni na, xa̱á kúni kaꞌni na nda.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.

1 Corintios 4:4

Sundi yeꞌe ta kúndaa teꞌe ini i ya köo ñaꞌa väꞌa ndi̱kan i túvi i, ta ni küvi kaꞌan tu i ya köo kuachi i, chi mií Ndioxi ku ra xíni vaꞌa xaꞌa i, ya xaa nani ra kuachi i.

Tito 3:11

Ta xa ndi̱kaꞌan i xiꞌin un, xíni mií un ndiꞌi na íkan saa, ta köo íyo vaꞌa ka ini na, na xa ndi̱ka̱va ini va ku na, saa íyo kuachi na, táxi ya kuachi xaꞌa na nuu Ndioxi.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

HEBREOS 6:13

Saa chi tá kivi ki̱ndoo Ndioxi taxi ra ya vaꞌa ndaꞌa ra Abraham, ta xaꞌa ya köo ka naꞌa chee ka nuu mií ra, yakan chi̱naꞌa ra tixin ndee kúu mií ra ya sixinu ra ya ndi̱kaꞌan ra xiꞌin ra Abraham,

1 Juan 3:19

Ta xaꞌa ya kúꞌvi ini yo xíni taꞌan yo kua ndínaꞌa yo mií yo ya kúu yo kuenta ya ndaa, ta ndikundee ini yo xiꞌin ndee ya táxi Ndioxi ndaꞌa yo.

1 Juan 3:21

Ñani yo xiꞌin kuꞌva yo, tá tu köo táxi nima yo kuachi xaꞌa yo nuu Ndioxi, ta vaꞌa ndinuu ni ini yo ná kuyati yo nuu ra.

1 Juan 4:4

Ñani yo, kuenta Ndioxi ku yo ta xa ku̱chiñu yo nuu na sáa ini xíni Tata yo, saa chi ndee ni ka Ndioxi ra íyo xiꞌin yo nuu tachi nduvaꞌa ya xáꞌnda chiñu nuu na ñuu ivi yóꞌó.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.