1 Juan 3:19 - Xochapa Mixteco

¹⁹ Ta xaꞌa ya kúꞌvi ini yo xíni taꞌan yo kua ndínaꞌa yo mií yo ya kúu yo kuenta ya ndaa, ta ndikundee ini yo xiꞌin ndee ya táxi Ndioxi ndaꞌa yo.

1 Juan 3:19 Mawu Ofanana

San Juan 13:35

Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

ROMANOS 4:21

Ta ndinuꞌu ni ini ra Abraham ka̱ndixa ra Ndioxi, ya kúu mií ra ndee sixinu ra ya ndi̱kaꞌan ra xiꞌin ra.

ROMANOS 8:38

Xíni teꞌe i, ya ndixa kua köo nda iin naꞌa, ni köo nda iin ndee ya kuchiñu xaa xíka yo nuu ya kúꞌvi ni ini Ndioxi xíni ra yoo. Ni ndee ya xáꞌni yoo, ni ya táku yo, ni ndee ya kúu mií na tatun Ndioxi, ni ndee kiti nǎꞌa, nda iin ndee yóꞌó küchiñu ya xaa xíka ya yoo nuu ya kúꞌvi ni ini Ndioxi xíni ra yoo, ni ya uꞌvi ni íyo nuu yo vitin, ni ya uꞌvi ni vaxi nuu yo,

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:21

Táa i tutu yóꞌó xaa ya ndaꞌa ndo, chi xa xíni ndo ya ndaa ta süvi ndo täꞌan kundaa ini xiꞌin ya ndaa ku ndo. Chi ndóꞌo̱ ta xa kúndaa vaꞌa ini ndo xiꞌin ya ndaa, saa chi nuu íyo ya ndaa, ta köo ka ya vata íyo.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

1 Juan 3:20

Tá táxi nima yo kuachi xaꞌa yo nuu Ndioxi, ta ná kundaa ini yo chi kaꞌnu ni ini mií ra ya xaa kaꞌnu ini ra xaꞌa yo, saa chi xa xíni ndiꞌi va mií ra ya íyo ini yo.

1 Juan 3:21

Ñani yo xiꞌin kuꞌva yo, tá tu köo táxi nima yo kuachi xaꞌa yo nuu Ndioxi, ta vaꞌa ndinuu ni ini yo ná kuyati yo nuu ra.