1 Juan 3:14 - Xochapa Mixteco

¹⁴ Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

1 Juan 3:14 Mawu Ofanana

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Lucas 15:24

Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 7:5

Suvi ra si̱kuaꞌa veꞌe ñuꞌu sinagoga ya íin ñuu nde yóꞌó, ta kúꞌvi ni ini ra xíni ra na ñuu yo Israel ―káchi na xiꞌin Jesús.

San Juan 13:35

Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

San Juan 15:12

Ta ya yóꞌó kua xáꞌnda chiñu i nuu ndo: Kuꞌvi ni ini ndo kuni taꞌan ndo tá kuꞌva kúꞌvi ini yeꞌe xíni i ndóꞌo̱.

San Juan 15:17

Ta ya yóꞌó kua xáꞌnda chiñu i nuu ndo: Kuꞌvi ni ini ndo kuni taꞌan ndo.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

2 Corintios 5:1

Ta xa kúndaa vaꞌa ini yo chi ikin kuñu yo ya kúu mií yo ñuu ivi yóꞌó, ta tá íyo veꞌe manta ya ndíꞌi xaꞌa va saa íyo ya. Sundi tá ná ndiꞌi xaꞌa ya yóꞌó, ta xa íyo inka veꞌe ikin kuñu yo ya xa̱á si̱kuaꞌa Ndioxi nuu ndivi. Ta ya ikán ta köo ndíꞌi xaꞌa ya, ndiꞌi saa ichí koo ya chi süvi na ñuu ivi yóꞌó ku na ndi̱sikuaꞌa ya.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Efesios 1:15

Xaꞌa ya ikán kua tá ku̱ndaa ini i xaꞌa ndo ya ndee ni ndáa ini ndo xíni ndo Tata yo Jesús, ta saa kúꞌvi ni ini ndo xíni ndo na ñuu ra,

Efesios 2:1

Ta ndóꞌo̱, tá yachi tá täꞌan kandixa ndo Jesucristo, ta tá íin naꞌa, na xa ndíi saa ndi̱xiyo ndo nuu Ndioxi xaꞌa kuachi ya väꞌa i̱kan ndo nuu ra.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Colosenses 1:4

Saa chi ndeꞌe, ta ku̱ndaa ini nde xaꞌa ndo, ya ndee ni ndáa ini ndo xíni ndo Tata yo Jesucristo, ta saa kúꞌvi ni ini ndo xíni ndo na ñuu Ndioxi, na i̱í.

1 Tesalonicenses 4:9

Ta köo xíniñuꞌu ka i kaꞌan i xiꞌin ndo ya kuꞌvi ini ndo kuni taꞌan ndo, saa chi xa mií Ndioxi ku ra si̱naꞌa ndóꞌo̱ kuꞌvi ni ini ndo kuni taꞌan ndo.

HEBREOS 13:1

Ta ndóꞌo̱, kuꞌvi ni ini ndo kuni taꞌan ndo, chi ndiꞌi ndóꞌo̱ ndíkun Tata yo Jesucristo, ta tá íyo ñani mií ndo án kuꞌva mií ndo, saa íyo ndo xiꞌin taꞌan ndo.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Pedro 3:8

Vitin káꞌan i xiꞌin ndo, vívií koo ndo xiꞌin taꞌan ndo, iin yuꞌu koo ndo. Vívií kutaꞌan ndo. Kuꞌvi ini ndo kuni taꞌan ndo, kundaꞌvi ini ndo kuni taꞌan ndo, xaa ni̱nu̱ ndo mií ndo.

2 Pedro 1:7

Ta xíniñuꞌu ndo kuꞌvi ni ini ndo kuni ndo na taꞌan yo, na ndíkun Tata yo Jesucristo xiꞌin ndiꞌi ka naꞌa.

1 Juan 2:3

Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.

1 Juan 5:13

Táa i tutu yóꞌó xaa nuu ndiꞌi ndóꞌo̱ na kándixa Jesús ra kúu Seꞌe Ndioxi. Táa i ya xaa nuu ndo ya ná kundaa ini ndo ya koo ndo xiꞌin Ndioxi ndiꞌi saa tiempo ya vaxi, saa táa i ya nuu ndo ya ná kandixa ni ndo tixin kivi ra.

1 Juan 5:2

Tá kúꞌvi ini yo xíni yo Ndioxi ta xáa súvi yo ya káꞌan ra xiꞌin yo, saa kúndaa ini yo kúꞌvi ini yo xíni yo ndiꞌi seꞌe ra.