1 Juan 2:7 - Xochapa Mixteco

⁷ Ñani yo xiꞌin kuꞌva yo, ya xáꞌnda chiñu i nuu ndo vitin, ta süvi iin ya xa̱á kua, chi suvi tuꞌun ya xa xi̱ni soꞌo ndo tá kivi sikan ka̱ndixa ndo Tata yo Jesucristo ku ya. Taꞌan tuꞌun ikán kua táa i nuu tutu yóꞌó xaa ndaꞌa ndo. Tuꞌun yata, ya xa xi̱ni soꞌo ndo yachi tá núnu̱ú vi kua káꞌan i xiꞌin ndo.

1 Juan 2:7 Mawu Ofanana

San Mateo 5:43

ꞌSaa ndi̱kaꞌan tuku Jesús káchi ra saa: ―Xa xi̱ni soꞌo ndo ya ndi̱kaꞌan nda maestro xinaꞌa, ka̱chi nda saa: “Kuꞌvi ini ndo kuni ndo na taꞌan ndo, ta kundasi nuu ndo kuni ndo na sáa ini xíni ndóꞌo̱”, káchi nda maestro si̱naꞌa nda.

San Juan 13:34

Ta ya yóꞌó ku iin chiñu xa̱á sindoo i ndaꞌa ndo: Kuꞌvi ni ini ndo kuni taꞌan ndo, tá kuꞌva kúꞌvi ini i xíni i ndóꞌo̱, ta kuꞌva saa kuꞌvi ni tu ini ndóꞌo̱ va kuni taꞌan ndo.

Los Hechos 17:19

Saa ndi̱kiꞌin na ra kuaꞌan xiꞌin na iin ñaꞌñu náni Areópago nuu ndíkitaꞌan na chiñu. Saa ndi̱kaꞌan na xiꞌin ra, káchi na saa: ―Vaꞌa ndituꞌun un xiꞌin nde.

HEBREOS 6:9

Ñani yo, ndóꞌo̱ ku ndo kúꞌvi ni ini nde xíni nde. Vani ndee ni uꞌvi tuꞌun ya káꞌan nde xiꞌin ndo yóꞌó, sundi ndeꞌe ta xíni nde ya ndee ni vaꞌa ndíkun ndo ichí nuu sikaku ndo mií ndo, chindee ndo mií ndo.

1 Juan 2:24

Xaꞌa ya ñaa kua chivaꞌa ni ndo tuꞌun ra ya xi̱ni soꞌo ndo tá núnu̱ú, chivaꞌa ndo ya ná koo ya nima ndo. Tá tu íkan ndo saa chívaꞌa ndo tuꞌun ra nima ndo ya xi̱ni soꞌo ndo tá núnu̱ú, ta saa tu ndóꞌo̱ va koo ndo xiꞌin ra kúu Seꞌe Ndioxi tin Iva ra.

1 Juan 3:11

Ya yóꞌó ku tuꞌun Ndioxi ya xi̱ni soꞌo yo tá núnu̱ú vaꞌa: Ya ná kuꞌvi ni ini yo kuni taꞌan yo.

1 Juan 3:2

Ñani mani, vitin ta xa seꞌe Ndioxi kúu yoo, ta köo xíni yo ndá kuꞌva nduu yo kivi ná ndiko koo tuku Tata yo Jesucristo ñuu ivi yóꞌó. Sundi yoo ta kúndaa ini yo, kivi ná ndiko koo ra ta nduu yo tá kuꞌva káa mií ra, saa chi kivi ikán ta kuni xiꞌin nuu yo ra tá kuꞌva káa ra.

1 Juan 3:21

Ñani yo xiꞌin kuꞌva yo, tá tu köo táxi nima yo kuachi xaꞌa yo nuu Ndioxi, ta vaꞌa ndinuu ni ini yo ná kuyati yo nuu ra.

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

1 Juan 4:11

Ñani yo, tá tu soꞌva kúꞌvi ini Ndioxi xíni ra mií yo, ta saa tu yoo va xíniñuꞌu yo kuꞌvi ni ini yo kuni taꞌan yo.

1 Juan 4:21

Chi mií Jesucristo ta xa̱ꞌnda chiñu ra nuu yo, káchi ra saa: Ndiꞌi na kúꞌvi ini xíni Ndioxi, ta xíniñuꞌu na kuꞌvi ini na kuni na ñani taꞌan na.

1 Juan 4:7

Ñani yo, ná kuꞌvi ni ini yo kuni taꞌan yo chi ya kúꞌvi ni ini yo taꞌan yo ta nuu Ndioxi vaxi ya, saa xáꞌnda chiñu ra nuu yo. Ta ndiꞌi na kúꞌvi ni ini xíni taꞌan, ta na ñaa ku na ka̱ku nuu Ndioxi saa xíni na Ndioxi.