1 Juan 2:22 - Xochapa Mixteco

²² Ta ¿án xíni ndo unku na vata? Vaꞌa ná kundaa ini ndo xaꞌa na, na káꞌan ya köo kúu Tata yo Jesucristo taa ra ti̱ꞌvi Iva yo Ndioxi ki̱xi sikaku yo ñuu ivi ku na vata. Na ikán ku na kánitaꞌan xiꞌin ra, ta ndíkuaa na Iva yo Ndioxi xiꞌin Tata yo Jesucristo ra kúu Seꞌe ra.

1 Juan 2:22 Mawu Ofanana

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 24:5

Saa chi kuaꞌa ni nda taa kixi ta kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi sikaku na ñuu ivi yóꞌó”, kachi nda xiꞌin ndo, ta kuaꞌa ni naꞌa sindaꞌvi nda.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

1 Juan 2:23

Ta ndiꞌi na ndíkuaa Jesús, ra kúu Seꞌe Ndioxi, ta kúni kachi ya ndíkuaa tu na Ndioxi va. Ta ndiꞌi na ndíkuni Jesús ya kúu ra Seꞌe Ndioxi ta ndíkuni tu na Iva yo Ndioxi va.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:3

Sundi na köo ndíkuni ra ya ndu̱u ra tá íin mií yo ivi yóꞌó, ta na ñaa ta süvi Tachi Ndioxi kúu mií na. Tachi na sáa ini xíni Cristo va kua kúu mií na. Ta xa xi̱ni soꞌo ndo xaꞌa na ñaa tá yachi, chi vitin ta xa íyo na ñuu ivi yóꞌó.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

El Apocalipsis 3:9

Kúni i kundaa ini ndo unkua ikan i xiꞌin naꞌa, na vata na xáa súvi ya sínaꞌa kiti nǎꞌa, ti Satanás. Na vata ku na chi káꞌan na kúu na judío na ndíkun ichí Ndioxi, ta süvi ya ndaa kua káꞌan na. Ta vaxi kivi kuꞌun na sikusiti na nuu ndo, ta saa kundaa ini na ya kúꞌvi ni ini i xíni i ndóꞌo̱.