1 Juan 2:20 - Xochapa Mixteco

²⁰ Sundi ndóꞌo̱ ta ta̱xi Tata yo Jesucristo Tachi I̱í ra ndaꞌa ndo, ta xa xíni ndiꞌi ndo ya ndaa.

1 Juan 2:20 Mawu Ofanana

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Marcos 1:24

―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

San Lucas 4:34

―¿Unkua kúni un ikan un xiꞌin nde Jesús ra ñuu Nazaret? ¿Án vaxi un sindiꞌi xaꞌa un ndeꞌe? Saa chi xíni va i yóꞌó. Yóꞌo̱ ku ra i̱í, ra ke̱e nuu Ndioxi ―káchi ri xiꞌin Jesús.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 3:14

Sundi ndóꞌo̱ ta köo ndi̱xiin ndo saña ra vaꞌa, ra i̱í ni, chi ra xa̱ꞌni ndìì va ku ra ndi̱kaꞌan ndo xaꞌa saña.

1 Corintios 2:15

Sundi yoo ta kúu mií yo Tachi I̱í ra, yakan vaꞌa kúndaa ini yo xaꞌa ya vaꞌa ke̱e nuu ndivi. Ta nda iin naꞌa küvi taxi kuachi xaꞌa yo.

HEBREOS 1:9

Saa chi kútoo ni un xíni un ya ndaa, ta kúndasi nuu un xíni un ya väꞌa, xaꞌa ya ñaa kua ndi̱kaxin Ndioxi yóꞌo̱ ya kaꞌnda chiñu un, yakan ta̱xi ra ya kusini ni ka yóꞌo̱ nuu na taꞌan un, káchi tuꞌun Ndioxi.

HEBREOS 8:11

Ta köo ka naꞌa sinaꞌa taꞌan na án na veꞌe na, kaꞌan na xiꞌin ñani na, ya xíniñuꞌu na kuni taꞌan na xiꞌin Tata yo. Saa chi xa ndiꞌi va na kuni taꞌan xiꞌin ra, nda na vali ta kuni taꞌan na xiꞌin ra, saa tu na naꞌnu va.

1 Juan 2:27

Sundi ndóꞌo̱ ta xa kúu mií ndo Tachi I̱í Ndioxi ya ta̱xi Tata yo Jesucristo ndaꞌa ndo. Ta köo xíniñuꞌu sinaꞌa inka naꞌa ndóꞌo̱, chi Tachi I̱í mií Ndioxi sínaꞌa ndóꞌo̱ xaꞌa ndiꞌi ni kúu ñaꞌa. Ta ya sínaꞌa Tachi ra ku ya ndaa, süvi ya vata kua káꞌan Tachi ra xiꞌin ndo. Ta ndinuꞌu ni ini ndo kundikun vaꞌa ka ndo Tata yo Jesucristo tá kuꞌva sínaꞌa Tachi I̱í Ndioxi ndóꞌo̱.

1 Juan 4:13

Ta xíni yo ya ítaꞌan yo xiꞌin Ndioxi, saa ítaꞌan ra xiꞌin yo, saa chi ta̱xi ra Tachi ra íyo ya xiꞌin yo.

Judas 1:5

Ta yeꞌe ra kúni i sindikaꞌán i ini ndo xaꞌa ya xa xíni vaꞌa ndo xaꞌa: Chi Iva yo Ndioxi ta si̱kaku ra na Israel ñuu Egipto, ta sindiꞌi saa si̱ndiꞌi xaꞌa yaa ra naꞌa, na köo ndi̱xiin kandixa ñaꞌa.

El Apocalipsis 3:7

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun Ndioxi, ya ndáa naꞌa, na kándixa yeꞌe, ta ndíkitaꞌan na ñuu Filadelfia xáa kaꞌnu na Ndioxi. Yeꞌe káꞌan xiꞌin ndo ku ra i̱í, ra ndixa ni ndaa. Yeꞌe ku ra níꞌi llave ya ku̱u mií ra rey David. Tá xúna i yéꞌe, ta nda iin na küchiñu ndikasi ya. Tá ndíkasi i ya ta nda iin na küchiñu kuna ya.

El Apocalipsis 4:8

Ta iin iin mií ya táku ikán íyo iñu ndixin iin iin ya. Ta ndiꞌi ni kúu ñaꞌñu ya íyo nina nduchi nuu, sata ya tin ini ya kúu mií ya nduchi nuu. Ta köo xíkuiin ya káꞌan ya, nduvi niuun káꞌan ya, káchi ya saa: ―¡Ra i̱í, ra i̱í, ra i̱í ni ku Ndioxi! ¡Taa ra ndixa ni ndee ku Ndioxi! Ndioxi ku ra táku nda kivi núnu̱ú, ta saa táku ra nda kivi vitin, saa kutaku ra ndiꞌi kivi ya vaxi, ―káchi kumi saa ya táku ikán, káꞌan ya xaꞌa Ndioxi.