1 Juan 2:19 - Xochapa Mixteco

¹⁹ Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

1 Juan 2:19 Mawu Ofanana

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

ROMANOS 9:6

Ta yeꞌe, ta köo ndi̱kaꞌan i xiꞌin ndo ya köo ndi̱sixinu Ndioxi ya ndi̱kaꞌan ra xiꞌin na ñuu ra na Israel. Saa chi süvi ndiꞌi na seꞌe ñani sikua ra Israel ku na kúu ndinuꞌu seꞌe Ndioxi.

1 Corintios 11:19

Ta ¿án xaꞌa ya íkan ndo saa kua kúni ndo sinaꞌa ndo mií ndo unku ndo ndixa ndaa ni ndíkun Tata yo Jesucristo, túvi ndo? ¡Ta süvi saa íyo ya!

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

2 Timoteo 3:9

Ta nda vata ñaa ta nda iin kivi küchiñu nda ikan nda ya ndíkani ini nda ikan nda. Saa kundaa ini ndiꞌi naꞌa ya ndee ni kíꞌvi ini nda, ta ndoꞌo nda tá ndo̱ꞌo ra Janes xiꞌin ra Jambres.

HEBREOS 10:39

Ta yoo, ta süvi taꞌan naꞌa, na ndíko koo chí sata ku yo, chi na íkan saa ta síndiꞌi xaꞌa na mií va na, xaꞌa ya síndikoo na ichí ra. Sundi yoo, ta ndee ni ndáa ini yo xíni yo ra ya sikaku ra ya vaꞌa yo.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

Judas 1:19

Ta nda káꞌan i xaꞌa xiꞌin ndo ku nda, táva kuachi xiꞌin ndo ta taꞌvi taꞌan ndo, ta ndisaa ya kútoo mií ikin kuñu nda kua íkan nda, ta köo Tachi Ndioxi íyo xiꞌin nda.