1 Corintios 9:8 - Xochapa Mixteco

⁸ Ta süvi mií i ku i káꞌan ya yóꞌó, nda mií tuꞌun Ndioxi ya ta̱a ra Moisés xinaꞌa, ta saa káꞌan ya:

1 Corintios 9:8 Mawu Ofanana

ROMANOS 3:31

Tá kándixa yo Jesucristo ta ¿án xaꞌa ya ikán kua síndiꞌi xaꞌa yo ya káꞌan ley Ndioxi ya ta̱a ra Moisés? Uꞌun, süvi saa íyo ya, köo káꞌan i saa xiꞌin ndo. Chi tá kándixa yo Jesucristo, ta ya ikán kua ndixa xáa súvi ka yo ley Ndioxi ya ta̱a na xinaꞌa.

ROMANOS 3:5

Ya ndaa kua, xaꞌa ya väꞌa íkan yo ta sínaꞌa ya mií yo, ya iin mií Ndioxi ku ra ndaa ni nuu yo. Yakan kua ¿án vaꞌa kaꞌan yo xaꞌa Ndioxi, ra väꞌa ku ra chi táxi ra tíxuꞌvi yo xaꞌa kuachi yo? Soꞌva ndíkani xiní sava na ñuu ivi yóꞌó.

ROMANOS 6:19

Xiꞌin tuꞌun ya vaꞌa kundaa ini ndo xiꞌin ku ya káꞌan i xiꞌin ndo xaꞌa naꞌa na sa̱ta iin ra xáa chiñu na nuu ra. Chi xaꞌa ya kúu ndo na ñuu ivi yóꞌó ta ndíchi ni saa kundaa ini ndo xiꞌin ya. Sundi yachi tá täꞌan kandixa ndo Jesucristo, ta ta̱xi xiꞌin mií ndo ndaꞌa ya väꞌa i̱kan ni ndo ya kini, yakan vitin ta xíniñuꞌu ndo nditaxi ni ndo mií ndo ndaꞌa Ndioxi ya kuchiñu xaa súvi ndo ya vaꞌa, ya ndaa kúni mií ra.

1 Corintios 14:34

Tá ndíkitaꞌan ndo xáa kaꞌnu ndo Ndioxi veꞌe ñuꞌu, ta vaꞌa ná koo táxin yuꞌu ná síꞌi ndo, chi köo ichí ya kaꞌan ná, chi ya xíniñuꞌu ikan ná kua xaa toꞌo ná ndóꞌo̱, tá kuꞌva káꞌan mií ley Ndioxi.

1 Corintios 7:40

Sundi, vaꞌa ni ka va koo yá tá tu ná tïndaꞌa tuku yá. Soꞌva ndíkani ini yeꞌe, chi mií Tachi I̱í Ndioxi ku ya táxi ya ndíchi ndaꞌa i ndíkani ini i saa.

Gálatas 1:11

Ñani yo, kúni i ná kundaa ini ndo xaꞌa tuꞌun vaꞌa ya ndi̱kaꞌan ndoso i xiꞌin ndo xaꞌa Jesucristo, ta süvi tuꞌun ya ka̱ku xi̱ní na ñuu ivi yóꞌó ku ya.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.