1 Corintios 9:5 - Xochapa Mixteco

⁵ Ta kúu tu mií nde ichí ya ndikiꞌin nde iin yá kuꞌva yo koo yá síꞌi nde, ta kuꞌun yá xiꞌin nde ndá ka nuu kuaꞌan nde, tá kuꞌva íkan sava nda taꞌan yo tá kúu ra Pedro xiꞌin nda ñani mií Tata yo Jesucristo. Sundi ndeꞌe ta köo íkan nde saa.

1 Corintios 9:5 Mawu Ofanana

San Mateo 13:55

¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?

San Mateo 8:14

Tá ndi̱xaa Jesús veꞌe ra Pedro saa xi̱ni ra índuꞌu yá siso ra nuu xito, ndee ni ndítuvi ya xiꞌin yá.

San Marcos 1:30

Ta ndee ka vi ndóꞌo yá siso ra Pedro, ndítuvi ya xiꞌin yá índuꞌu yá nuu xito. Ta ndi̱tuꞌun nda xiꞌin Jesús ya kúꞌvi yá.

San Marcos 6:3

Ta süvi chiñu ndee vi kúu mií ra xiꞌin itun va xáa chiñu ra. Án su seꞌe yá María va ku ra, ta xíni tu yo nda ñani va ra, ra Jacobo, xiꞌin ra José tin ra Judas xiꞌin ra Simón. Xíni tu yo ná kuꞌva va ra ―káchi na. Ta xa̱á káꞌan ni na xaꞌa ra.

San Lucas 6:15

inka ra náni Mateo, inka ra náni Tomás, inka ra náni Jacobo seꞌe ra Alfeo, inka ra náni Simón ra xi̱ndikaa xiꞌin partido náni Zelote,

San Lucas 8:20

Saa ndi̱xaꞌan iin ra ndi̱tuꞌun ra xiꞌin Jesús, káchi ra saa: ―Tata, keꞌe yóꞌó íin nana un xiꞌin nda ñani un, ta kúni na kaꞌan na xiꞌin un ―káchi ra.

San Juan 1:42

Ta saa ndi̱kundaka ra Andrés, ra Simón ñani ra kuaꞌan xiꞌin ra nuu Jesús. Tá ndi̱xaa nda, ta ndi̱koto vaꞌa Jesús nuu ra saa ndi̱kaꞌan ra xiꞌin ra, káchi ra saa: ―Yóꞌo̱ ku Simón, seꞌe ra Jonás, ta vitin kunani un Cefas ―káchi ra xiꞌin ra. (Ta Cefas kúni kachi ya “Pedro”).

San Juan 2:12

Sindiꞌi ikán ta ke̱e ra kuaꞌan ra chí ñuu Capernaum, kuaꞌan siꞌí ra tin ñani ra xiꞌin nda ítaꞌan xiꞌin ra, saa ndi̱xiyo na uvi ndaá kivi ñuu ikán.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

ROMANOS 16:1

Ñani yo xiꞌin kuꞌva yo, káꞌan i xiꞌin ndo xaꞌa yá kuꞌva yo yá Febe yóꞌó. Ndúku i ya mani nuu ndo ya ndikiꞌin vaꞌa ndo yá, chi yá kúu mií chiñu ku yá veꞌe ñuꞌu ta chíndee taꞌan ni yá xiꞌin na veꞌe ñuꞌu ñuu Cencrea.

1 Corintios 1:12

Ta ya káꞌan i xiꞌin ndo ku ya yóꞌó, chi väꞌa íkan sava ndo chi káꞌan ndo soꞌva: “Yeꞌe, ta ra Pablo ndíkun i”, káchi ndo. Ta sava tuku ndo káꞌan “Yeꞌe ta ra Apolos ndíkun i”, káchi ndo. Ta sava tuku ndo káꞌan: “Yeꞌe, ta ra Pedro ndíkun i”, káchi ndo. Ta sava tuku ndo káꞌan “Yeꞌe ta Cristo ku ra ndíkun i”, káchi ndo.

1 Corintios 7:15

Sundi tá kúni iin taa ra köo kándixa tuꞌun Tata yo, sindikoo ra yá síꞌi ra, ta vaꞌa ná sindikoo va ra yá. Ta saa tu ñaꞌa yá köo kándixa tuꞌun Tata yo Jesucristo, tá kúni yá sindikoo yá ií yá, ta vaꞌa ná sindikoo va yá ra. Saa chi Ndioxi ta ka̱na ra yoo ya koo vívií yo xiꞌin taꞌan yo, köo ndi̱kana ra yoo ya koo yo kanitaꞌan yo.

1 Corintios 7:39

Ta ñaꞌá yá íyo ií, ta xíniñuꞌu yá koo yá xiꞌin ra ndiꞌi saa kivi ya táku ra. Sundi tá tu ndi̱xiꞌi ií yá ta saa kua vaꞌa tindaꞌa tuku yá xiꞌin inka taa ra kúni mií yá. Ta ra kándixa Jesucristo ku ra xíniñuꞌu yá tindaꞌa yá xiꞌin.

1 Corintios 7:7

Ya vaꞌa ni va kua ná kindoo kuâán ndiꞌi ndóꞌo̱ nda taa, ná tïndaꞌa ndo, tá kuꞌva káa yeꞌe, íyo kuâán i. Sundi süvi ndiꞌi yo ndi̱niꞌi taꞌvi kindoo kuâán yo. Süvi iin káchi íyo ndiꞌi yo.

1 Corintios 7:8

Ta ya yóꞌó ku ya ndítuꞌun i xiꞌin ndóꞌo̱ kuâán täꞌan tindaꞌa, saa tu ná kuâán ndi̱xiꞌi ndaa: ya vaꞌa ni ka kua ná tïndaꞌa ndo, kindoo kuâán ndo tá kuꞌva íyo yeꞌe.

Gálatas 1:19

Ta nda iin nda apóstol täꞌan kuni taꞌan i xiꞌin tiempo ikán, ndisaa ra Jacobo, ñani Tata yo Jesucristo ku ra xi̱ni taꞌan i xiꞌin.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

1 Timoteo 5:2

Saa ikan tu un xiꞌin ná kuꞌva yo, ná nana chee xikuaꞌa, vií kaꞌan un xiꞌin ná, tá kuꞌva káꞌan un xiꞌin nana un saa kaꞌan un xiꞌin ná. Saa tu ná kuâán vali, vií kaꞌan un xiꞌin ná, tá kuꞌva káꞌan un xiꞌin ná kuꞌva un, saa kaꞌan un xiꞌin ná.

Tito 1:6

Ta nda ñani yo, nda ndikaxin un kundaa chiñu xiꞌin na veꞌe ñuꞌu, ta xíniñuꞌu ndǎku ni koo ini nda, ná kunuu vaꞌa tuꞌun xaꞌa nda, ta iindaa ná kuu yá síꞌi nda, ta ná kuu seꞌe nda na kándixa Tata yo Jesucristo, saa ná kuu na, na ínuu vaꞌa ni tuꞌun xaꞌa, ná köo na naꞌa, na soꞌo ni.

HEBREOS 13:4

Ndóꞌo̱ taa nda xa ti̱ndaꞌa, án ná síꞌi xa ti̱ndaꞌa ta xíniñuꞌu ndo kañuꞌu ndo yá síꞌi ndo án i̱í ndo. Ta käka ndo xiꞌin inka ñaꞌa án inka taa, saa chi Ndioxi ta ndee ni xaa nduvaꞌa ra xiꞌin ndiꞌi na íkan saa.