1 Corintios 9:3 - Xochapa Mixteco

³ Ta soꞌva kua káꞌan i xiꞌin naꞌa, na kánaꞌa xaꞌa i:

1 Corintios 9:3 Mawu Ofanana

San Lucas 12:11

Saa ndi̱kaꞌan ka ra xiꞌin na, káchi ra saa: ―Tá ndá naꞌa táxi kuachi xaꞌa ndo nuu na naꞌnu veꞌe ñuꞌu sinagoga án nuu na chiñu ñuu ndo, ta kündiꞌi ini ndo xaꞌa tuꞌun ya kaꞌan ndo xiꞌin na,

Los Hechos 22:1

―Na taꞌan yo, na ñuu Israel xiꞌin ndiꞌi ndóꞌo̱ tata na xikuaꞌa, kuni soꞌo loꞌo ndo ná kaꞌan i xiꞌin ndo, ya ndíkuiin xaꞌa i ―káchi ra xiꞌin na.

Los Hechos 25:16

Saa ndi̱kuiin i káꞌan i xiꞌin na: “Ndeꞌe Roma ta köo íkan nde saa chi köo táxi nde kuvi iin taa tá tu täꞌan kaꞌan nuu taꞌan na, nuu ndikuiin ra kaꞌan ra xaꞌa ra xiꞌin na táxi kuachi xaꞌa ra”, káchi i xiꞌin na.

1 Corintios 14:37

Tá ndá na taꞌan yo ndíkani ini ya káꞌan na tuꞌun yuꞌu Ndioxi, án ndee ni vaꞌa íyo Tachi I̱í ra xiꞌin na, ta vaꞌa ná kundaa ini na xiꞌin tuꞌun yóꞌó ya kúu ya xáꞌnda chiñu mií Tata yo Jesucristo.

1 Corintios 9:2

Vani köo xíin sava na ndikuni na yeꞌe, ya xíka i chiñu nuu Tata yo Jesucristo, sundi ndóꞌo̱ ta ndíkuni va ndo yeꞌe ya xáa chiñu i nuu ra. Chi ndóꞌo̱ ta tá káa sello ya xáni tutu, saa íin ndo, chi xa kándixa ndo Tata yo Jesucristo vitin. Yakan ndóꞌo̱ ku ndo ndíkuiin xaꞌa i ya xíka i chiñu nuu ra.

1 Corintios 9:4

Chi ya ndixa kua íyo ichí va i ya taxi ndo ñaꞌa kuxi nde tin nduta koꞌo nde, xaꞌa chiñu ya íkan nde xiꞌin ndo.

2 Corintios 13:10

Táa kuee i tutu yóꞌó xaa ya nuu ndo yachi ka tá täꞌan xaa i nuu ndo, tá íyo xíka ni i saa káꞌan i xiꞌin ndo. Chi tá ná xaa i nuu ndo ta köo xíniñuꞌu i koo ndaku ni ini i xiꞌin ndo xiꞌin ichí ya ta̱xi Tata yo ndaꞌa i kuniñuꞌu i xiꞌin ndo. Chi ichí ta̱xi ra ndaꞌa i xaꞌa ndo, ta ya chindee taꞌan i xiꞌin va ndo kua, süvi xaꞌa ya sindiꞌi xaꞌa i ndóꞌo̱ xiꞌin kua.

2 Corintios 13:3

Saa ikan i xiꞌin ndo xaa nani i kuachi ndo xiꞌin ndo chi kúni ndo kundaa ini ndo án ya ndixa kua ta̱xi Jesucristo ichí ndaꞌi i ya ndituꞌun i tuꞌun ra xiꞌin ndo. Chi ni mií Cristo ta köo íkan ra xiꞌin ndo tá kuꞌva íkan iin taa ra köo ndee kúu mií, yáꞌa ni va ndee kúu mií ra.

2 Corintios 13:5

Yakan vaꞌa koto ndoso ndo mií ndo ndá kuꞌva íyo ndo, ta saa kua vaꞌa kundaa ini ndo án ndinuꞌu ini ndo kándixa ndo Jesucristo. Tá vaꞌa ka̱na ndo ya xi̱to ndoso ndo mií ndo, ta saa kua kúndaa ini ndo ya ndixa kua kándixa ndo ra, ta íyo ra xiꞌin ndo. Tá tu köo vaꞌa ndíkana ndo, ta kúni kachi ya köo kándixa ndo ra, ta köo íyo ra xiꞌin ndo.

Filipenses 1:17

Ta naꞌa, na káꞌan ndoso xaꞌa ra xiꞌin ndinuꞌu ini na, ta xaꞌa ya kúꞌvi ni ini na xíni na yeꞌe kua íkan na saa, chi xíni na Ndioxi ku ra táxi ndíkaa i veꞌe kàà yóꞌó ya ndikuiin i xaꞌa tuꞌun vaꞌa xaꞌa ra.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

2 Timoteo 4:16

Tá kivi núnu̱ú ndi̱xaꞌan i nuu na chiñu, ta nda iin naꞌa köo ndi̱chindee taꞌan xiꞌin i, iin si̱ndoo ndaꞌa ndiꞌi nda yeꞌe. Ta siin ka mií Iva yo Ndioxi ná xaa kaꞌnu ini xaꞌa nda.