1 Corintios 9:21 - Xochapa Mixteco

²¹ Tá íyo i xiꞌin naꞌa, na köo ndíkun ley Ndioxi ya si̱ndoo ra Moisés, ta ndúu i tá íin na ikán, ya kuchiñu chindee taꞌan i xiꞌin na kaku na, saa chi chiñu ya xáꞌnda chiñu mií Ndioxi kua xáa súvi i xaꞌa ya ndíkun i ley mií Cristo.

1 Corintios 9:21 Mawu Ofanana

Los Hechos 15:28

Iin yuꞌu ku nde xiꞌin Tachi I̱í Ndioxi ya sïkuiso vee nde ndóꞌo̱ xiꞌin inka ka chiñu, ndisaa ya yóꞌó kua xíniñuꞌu ndo xaa súvi ndo:

Los Hechos 16:4

Yáꞌa nda iin iin ñuu káꞌan nda xiꞌin na köo kúu judío, na ndíkun Jesús. Ndítuꞌun nda xiꞌin na xaꞌa ya ndi̱kaꞌan nda apóstol tin na xikuaꞌa ndóo ñuu Jerusalén, káꞌan nda xiꞌin na ndá ñaꞌa kua xíniñuꞌu na xaa súvi na.

Los Hechos 21:25

Sundi na köo kúu judío ndíkun Jesús ta xa íyo vaꞌa va xaꞌa na, chi xa ta̱a nde tutu kuaꞌan ndaꞌa na nuu káꞌan nde xiꞌin ya ná kündiꞌi ini na xaꞌa ya xaa súvi na ya ta̱a ra Moisés. Sundi ya xíniñuꞌu na xaa súvi na kua yóꞌó káchi nde xiꞌin na: Ná küxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ni ni̱í kiti ná küxi na, ta ni kiti ndíxita na sukun ná küxi na. Ni iin taa ta küvi kiꞌvi ra xiꞌin ñaꞌa tá tu süvi yá síꞌi ra ku yá. Ta ni iin ñaꞌa küvi kiꞌvi yá xiꞌin iin taa tá tu süvi i̱í yá ku ra, káchi nde xiꞌin tutu kuaꞌan ndaꞌa na ikán ―káchi na xikuaꞌa ikán xiꞌin ra Pablo.

ROMANOS 2:12

Saa chi tá íkan ya väꞌa, na köo xíni ley Ndioxi, ta kuꞌva saa küniñuꞌu ra ley ra xiꞌin na ikán, saa chi mií ra ku juez yakan xa xíni mií ra ndá kuꞌva sindoꞌo ra na. Ta saa tu naꞌa, na xíni ley ra, tá íkan na ya väꞌa, ta kuꞌva saa kuniñuꞌu ra ley ra xiꞌin na, ya sindoꞌo ra na.

ROMANOS 2:14

Naꞌa na köo kúu judío, vani köo xíni na ley Ndioxi, ta saa ni xáa súvi na ley ra tá íkan na ya vaꞌa nuu Ndioxi. Na íkan saa ta sínaꞌa na mií na ya xíni na unkua vaꞌa ta unkua väꞌa.

ROMANOS 7:22

Ndinuꞌu ni va ini i kúsini i xíni i ley Ndioxi.

ROMANOS 7:25

Ta ndixaꞌvi ni Ndioxi xaꞌa chiñu ya xa̱a súvi Tata yo Jesucristo! Chi iindaa ra ikán ku ra kuchiñu sikaku yoo nuu ndee ya väꞌa. Ta vitin ku̱ndaa ini i, ni ndinuꞌu ni va ini i kúni i xaa súvi i ley Ndioxi, sundi xaꞌa ya kúu i ra ivi yóꞌó, yakan vita ni i nuu kuachi, kúchiñu ya xáꞌnda chiñu ya nuu i.

ROMANOS 8:4

Ndiꞌi ya yóꞌó i̱kan Ndioxi xaꞌa yo ya kuchiñu nduu yo naꞌa, na vaꞌa nuu ra, tá kuꞌva káꞌan ley ra. Ta vitin ndu̱u yo naꞌa, na köo íkan ka ndisaa ya kúni mií ikin kuñu yo, chi ndixa ndíkun yo ichí nuu xáa súvi yo ya vaꞌa, ya kúni Tachi I̱í Ndioxi.

Gálatas 3:2

Ta vitin kúni i ndakan tuꞌun i ndóꞌo̱, ta vaꞌa ndikuiin ndo yuꞌu i xaꞌa ya kaꞌan i xiꞌin ndo: Tá ndi̱kiꞌin ndo Tachi I̱í Ndioxi ta ¿án xaꞌa ya xáa súvi ndo ley Ndioxi kua ndi̱kiꞌin ndo ya, túvi ndo? Süvi saa íyo ya, xaꞌa ya xi̱ni soꞌo ndo tuꞌun vaꞌa xaꞌa Jesucristo va kua ndi̱kiꞌin ndo Tachi I̱í ra.

Gálatas 6:2

Ta chindee taꞌan ndo xiꞌin taꞌan ndo xaꞌa ndá ka tindoꞌo ya ndóꞌo̱ ndo, chi tá íkan ndo saa xiꞌin taꞌan ndo, ta saa kua xáa súvi ndo ley mií Cristo.

HEBREOS 8:10

Ta ya yóꞌó ku trato ya kindoo i ikan i xiꞌin na Israel kivi vaxi: Ta soꞌva koo ya ikan i xiꞌin na kivi ikán: Chikaa i ley i koo ya xi̱ní na, saa taa i ya nima na. Ta iindaa mituꞌun yeꞌe kuu Ndioxi ra kañuꞌu na, saa tu mií va na kundikun na yeꞌe.