1 Corintios 9:16 - Xochapa Mixteco

¹⁶ Ta saa ni ya káꞌan ndoso i tuꞌun vaꞌa xaꞌa Tata yo Jesucristo, ta süvi xaꞌa ya xaa kaꞌnu xiꞌin mií i ku ya. Saa chi iin chiñu ya xa ndi̱taꞌnda nuu i xaa súvi va i ku ya. Ndaꞌvi ni mií va i tá tu köo xáa súvi i chiñu yóꞌó.

1 Corintios 9:16 Mawu Ofanana

San Mateo 25:16

Taa ra ndi̱kuiso uꞌun xuꞌun talento, ta xa̱a chiñu ra xiꞌin ya, saa ndi̱niꞌi ra inka tuku uꞌun siki ya.

San Lucas 9:62

Ta saa ndi̱kuiin Jesús, káchi ra saa: ―Ndiꞌi na chínuu ndaꞌa xaꞌa itun yata tá táꞌvi na, tá ndíko koo na ndíkoto sata na, ta küvi kiꞌvi na nuu xáꞌnda chiñu Ndioxi ―káchi Jesús xiꞌin na.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

Los Hechos 9:15

Saa ndi̱kuiin Tata yo Jesús káꞌan ra: ―Kuáꞌan koto un ra, chi ra ikán ku ra ndi̱kaxin i kuꞌun ra ndituꞌun ra xaꞌa i xiꞌin naꞌa na köo kúu judío, saa ndituꞌun tu ra xiꞌin nda rey va. Saa kuꞌun tu ra ndituꞌun ra xaꞌa i xiꞌin na judío va.

Los Hechos 9:6

Ñaa xa̱á kísi ya ra íꞌvi ka vi ra, saa ndi̱kuiin ra káꞌan ra: ―¿Unkua ikan i kúni un, Tata? ―káchi ra. Ta saa ndi̱kuiin Tata yo Jesús ndi̱kaꞌan ra xiꞌin ra, káchi ra saa: ―Kuandikoo, ta ná xaa un ñuu Damasco, ta ñaa kaꞌan na xiꞌin un unkua xíniñuꞌu un ikan un ―káchi Jesús xiꞌin ra.

ROMANOS 1:14

Xaꞌa ya vaꞌa ni íkan Jesucristo xiꞌin i, yakan ndee ni xíniñuꞌu i kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na káꞌan tuꞌun griego tin na köo káꞌan tuꞌun griego, na ndíchi ni xiꞌin na köo xíni kaꞌvi, ndiꞌi na yóꞌó ku na xíniñuꞌu ni i kaꞌan i xiꞌin.

ROMANOS 15:17

Vaꞌa ni kúni i, kúsini ni i xáa chiñu i nuu Ndioxi, xaꞌa ya íyo i xiꞌin Cristo Jesús.

ROMANOS 4:2

Süvi xaꞌa ya vaꞌa i̱kan ra nuu Ndioxi kua ndu̱u ra, ra vaꞌa, ra köo ka kuachi ku mií nuu Ndioxi. Saa chi tá tu xaꞌa ya ikán kua ta kuu mií ra ichí kaꞌan tái ni ra nuu yo, sundi küvi kaꞌan tái ra nuu Ndioxi.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:14

Ta iin kuꞌva saa xáꞌnda chiñu Tata yo Jesucristo nuu naꞌa, na ndíso chiñu xiꞌin naꞌa, na káꞌan ndoso tuꞌun vaꞌa xaꞌa ra, na ikán kúu mií na ichí niꞌi na ñaꞌa kuxi na xaꞌa chiñu íkan na.

2 Corintios 2:12

Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

Colosenses 4:17

Ta vaꞌa kaꞌan ndo xiꞌin ra ñani yo, ra Arquipo, ya xíniñuꞌu ra xaa súvi ra chiñu ya ta̱xi Tata yo Jesucristo ndaꞌa ra.