1 Corintios 9:14 - Xochapa Mixteco

¹⁴ Ta iin kuꞌva saa xáꞌnda chiñu Tata yo Jesucristo nuu naꞌa, na ndíso chiñu xiꞌin naꞌa, na káꞌan ndoso tuꞌun vaꞌa xaꞌa ra, na ikán kúu mií na ichí niꞌi na ñaꞌa kuxi na xaꞌa chiñu íkan na.

1 Corintios 9:14 Mawu Ofanana

San Mateo 10:10

Ni leka ndo küꞌun xiꞌin ndo, ni inka nuu toto ndo ya ndinama ndo küꞌun xiꞌin ndo, ni nduxan ndo, ni itun küniꞌi ndo kuꞌun xiꞌin ndo. Chi ndóꞌo̱ ta kúu mií ndo ichí niꞌi ndo ñaꞌa kuxi ndo nuu na íkan ndo ya vaꞌa xiꞌin.

Gálatas 6:6

Ta naꞌa, na síkuaꞌa xiꞌin iin ra maestro, sínaꞌa ra na xaꞌa tuꞌun Ndioxi, ta xíniñuꞌu na chindee taꞌan na xiꞌin ra xiꞌin ndiꞌi ndá ka ñaꞌa vaꞌa kúu mií na.

1 Corintios 9:4

Chi ya ndixa kua íyo ichí va i ya taxi ndo ñaꞌa kuxi nde tin nduta koꞌo nde, xaꞌa chiñu ya íkan nde xiꞌin ndo.

San Lucas 10:7

Tá ndi̱kiꞌin vaꞌa na ndóꞌo̱, ta kundoo ndo veꞌe na ñuu nuu ndi̱xaa ndo ikán. Ta vaꞌa kuxi ndo tin koꞌo ndo ndiꞌi ñaꞌa ya táxi na ndaꞌa ndo. Chi ndiꞌi na xáa chiñu ta kúu mií na ichí kiꞌin yaꞌvi na. Ta küniꞌni ndo kaka ndo tutuku veꞌe.

San Lucas 10:8

Tá xáa ndo iin ñuu ndíkiꞌin vaꞌa na ndóꞌo̱ tin táxi na ñaꞌa kuxi ndo, ta kuxi ndo ndá ka mií ñaꞌa táxi ndaꞌa ndo.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 9:11

Ta saa íyo tu ya íkan ndeꞌe va xiꞌin ndo, saa chi ndeꞌe ku nde chi̱ꞌi tuꞌun Ndioxi nima ndo. Ta ¿án väꞌa náꞌa ya ná niꞌi loꞌo nde ñaꞌa nuu ndo xaꞌa chiñu ya íkan nde xiꞌin ndo?

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:16

Ta saa ni ya káꞌan ndoso i tuꞌun vaꞌa xaꞌa Tata yo Jesucristo, ta süvi xaꞌa ya xaa kaꞌnu xiꞌin mií i ku ya. Saa chi iin chiñu ya xa ndi̱taꞌnda nuu i xaa súvi va i ku ya. Ndaꞌvi ni mií va i tá tu köo xáa súvi i chiñu yóꞌó.

2 Corintios 2:12

Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.