1 Corintios 9:12 - Xochapa Mixteco

¹² Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:12 Mawu Ofanana

San Lucas 11:52

’Ta ¡ndaꞌvi ni ndóꞌo̱ sínaꞌa ya ta̱a ra Moisés! Chi ndoꞌo ni ndo iin kivi ikan Ndioxi, saa chi tá íkan iin ra tíseꞌe llave saa íkan ndo, köo sínaꞌa teꞌe ndo tuꞌun Ndioxi nuu naꞌa na kúni kuꞌun ichí ra, ta ni mií ndo kuäꞌan ichí ra ―káchi Jesús xiꞌin nda sínaꞌa ley Ndioxi.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

ROMANOS 15:22

Ñani yo tin kuꞌva yo ndóo ñuu Roma, xa kuaꞌa ni ichí chi̱kaa ini i xaa i koto i ndóꞌo̱, ta köo ndíkuvi xaꞌa i nuu ndo.

1 Corintios 13:7

Naꞌa, na íyo ni ya kúꞌvi ini táxi Ndioxi ndaꞌa na, ta xáꞌa ndee ndiꞌi ini na xiꞌin ndá ka ñaꞌa ndóꞌo na, ta ndee ni kándixa na ya sixinu Ndioxi ya ndi̱kaꞌan ra, saa ndee ni ndátun na ya ndikuiin Ndioxi yuꞌu na. Saa xáꞌa ndee ndiꞌi ini na xiꞌin ya väꞌa ndóꞌo na.

1 Corintios 6:7

Saa chi ya kánitaꞌan ndo xiꞌin taꞌan mií ndo ta ya kaꞌa̱n ni nuu ku ya. Chi vaꞌa ka kua ná ikan na ñani yo ya väꞌa xiꞌin ndo án sikuiꞌna na ñaꞌa ndo, ta xaꞌa ndee ini ndo xiꞌin na, ta küꞌun ndo taxi ndo kuachi xaꞌa na nuu na chiñu.

1 Corintios 9:14

Ta iin kuꞌva saa xáꞌnda chiñu Tata yo Jesucristo nuu naꞌa, na ndíso chiñu xiꞌin naꞌa, na káꞌan ndoso tuꞌun vaꞌa xaꞌa ra, na ikán kúu mií na ichí niꞌi na ñaꞌa kuxi na xaꞌa chiñu íkan na.

1 Corintios 9:15

Ta yeꞌe, ta nda iin kivi köo ndítaxi i ya chaꞌvi ndo yeꞌe xaꞌa ya xáa chiñu i nuu Tata yo Jesucristo. Ya táa i soꞌva nuu ndo káꞌan i xiꞌin ndo ta süvi ya kúni i taxi ndo ñaꞌa ndaꞌa i kua. ¡Vaꞌa ka ná kuvi i ta kïꞌin i xuꞌun ndaꞌa ndo, xaꞌa ya káꞌan ndoso i tuꞌun Ndioxi xiꞌin ndo, chi yeꞌe, ta vaꞌa ni kúni i ya íkan i chiñu yóꞌó!

1 Corintios 9:16

Ta saa ni ya káꞌan ndoso i tuꞌun vaꞌa xaꞌa Tata yo Jesucristo, ta süvi xaꞌa ya xaa kaꞌnu xiꞌin mií i ku ya. Saa chi iin chiñu ya xa ndi̱taꞌnda nuu i xaa súvi va i ku ya. Ndaꞌvi ni mií va i tá tu köo xáa súvi i chiñu yóꞌó.

1 Corintios 9:18

Ta yaꞌvi i ya ndíkiꞌin i kua yóꞌó, chi yeꞌe ta kúsini ni i ya káꞌan ndoso i tuꞌun vaꞌa xaꞌa ra xiꞌin ndo, ta köo kíꞌin i xuꞌun ndaꞌa ndo ya íkan i saa. Vani íyo ichí i ya chaꞌvi ndo yeꞌe xaꞌa ya káꞌan ndoso i tuꞌun vaꞌa xaꞌa Tata yo Jesucristo xiꞌin ndo ya kaku ndo, ta köo káꞌan i xiꞌin ndo chaꞌvi ndo yeꞌe xaꞌa chiñu íkan i.

1 Corintios 9:2

Vani köo xíin sava na ndikuni na yeꞌe, ya xíka i chiñu nuu Tata yo Jesucristo, sundi ndóꞌo̱ ta ndíkuni va ndo yeꞌe ya xáa chiñu i nuu ra. Chi ndóꞌo̱ ta tá káa sello ya xáni tutu, saa íin ndo, chi xa kándixa ndo Tata yo Jesucristo vitin. Yakan ndóꞌo̱ ku ndo ndíkuiin xaꞌa i ya xíka i chiñu nuu ra.

2 Corintios 11:12

Ta nda vitin, ta täxi i ya chaꞌvi nda iin ndo yeꞌe xaꞌa ya ndítuꞌun i xiꞌin ndo xaꞌa Jesucristo, sïndiꞌi i ini nda iin ndo. Chi köo kúni i ya chinuu vaꞌa nda apóstol vata ikán tuꞌun nda, xaꞌa ya káꞌan nda ya iin káchi íin nda tá kuꞌva íin ndeꞌe, káchi nda, ta süvi ya ndaa kua.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

2 Corintios 2:12

Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

2 Corintios 6:3

Ta ndee ni kuenta íyo nde xaꞌa ñaꞌa ya íkan nde, chi köo íkan ndikuu nde ndá ka ñaꞌa väꞌa nuu naꞌa ya ná nïꞌi na ndá ka ñaꞌa kaꞌan ndikuu na xaꞌa chiñu íkan nde.