1 Corintios 8:9 - Xochapa Mixteco

⁹ Ta ndóꞌo̱ ta xa íyo va ichí ndo kuxi ndo ndiꞌi kúu ñaꞌa, sundi kuenta ni koo ndo, chi íyo na ñani yo, na vita ni ini, ta ìyo ni koyo na nuu kuachi xaꞌa ñaꞌa ya xíxi ndo.

1 Corintios 8:9 Mawu Ofanana

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

ROMANOS 15:1

Yo köo xíka uvi ini ta xíniñuꞌu yo kiꞌin yo kuenta xiꞌin na taꞌan yo, na vita ni ini xiꞌin tuꞌun Ndioxi, na täꞌan kundaa vaꞌa ini xiꞌin tuꞌun ra. Ta ná ïkan yo ndisaa ya kúni mií yo.

1 Corintios 10:24

Xaꞌa ya ñaa kua köo xíniñuꞌu ndo kundiꞌi ini ndo ndisaa xaꞌa mií ndo, ya koo vaꞌa ndo. Xíniñuꞌu tu ndo kundiꞌi ini ndo xaꞌa inka na taꞌan yo ya koo vaꞌa na.

1 Corintios 10:28

Tá ndá sava na káꞌan xiꞌin ndo: “Kuñu yóꞌó ta ya ndi̱soko na nuu naꞌna ndioxi na kua”, káchi na xiꞌin ndo. Ta käxi ndo ya, xaꞌa ya ndíkani ini naꞌa, na ndi̱kaꞌan saa xiꞌin ndo, chi ndikani väꞌa ini na kuni na ndóꞌo̱. Saa chi ñuu ivi yóꞌó xiꞌin ndiꞌi ñaꞌa kúu mií ya, ta mií Iva yo Ndioxi ku ra si̱kuaꞌa ndiꞌi ya.

1 Corintios 10:29

Süvi xaꞌa ndóꞌo̱ káꞌan i ya ndikani väꞌa ini ndo, xaꞌa naꞌa, na xíto ya íkan ndo saa kua káꞌan i. Chi na ikán ta án sana ndikani ini na ya köo xíniñuꞌu ndo ikan ndo saa. Chi yeꞌe, vani xa íyo ndíka i ya kuxi i ndiꞌi va ñaꞌa, sundi yeꞌe, ta xáꞌnu va ini i xaꞌa ya ndíkani ini na taꞌan yo, na vita ini.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 8:10

Saa chi tá ná kuni iin ñani yo, ra vita ini, ya ndóo ndo nuu mesa xíxi ndo nuu xáa kaꞌnu na naꞌna ndioxi ya ndíi, ta ìyo ni xi̱nu ini ra ikán kuxi ra ñaꞌa ya sóko naꞌa nuu naꞌna ndioxi ya ndíi, vani ndíkani uvi ini ra xaꞌa ya íkan ra saa.

1 Corintios 8:12

Yakan kuenta ni koo ndo saa chi ìyo ni sindikava ndo ñani ndo nuu kuachi xaꞌa ya täꞌan ndundee vaꞌa tuꞌun Ndioxi nima ra. Chi tá ná kuni ra ya íkan ndo, ta ku̱ni̱ ra ikan ra saa, vani ndíkani ini ra ya väꞌa kua íkan ra. Ta xaꞌa ya íkan ndo saa xiꞌin ñani ndo, ta sítikueꞌe ndo ra, ta nda Cristo ku ra sítikueꞌe ndo.

1 Corintios 9:22

Tá íyo i xiꞌin naꞌa, na vita ni ini, na sikan kándixa Tata yo Jesucristo, ta tá íin na ikán saa ndúu i, ya kuchiñu chindee taꞌan i xiꞌin na, ná kachi yo. Yakan tá kuꞌva íin ndá ka mií naꞌa, kuꞌva saa ndúu i nuu na ya kuchiñu chindee taꞌan i xiꞌin sava na kaku na.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.

2 Corintios 11:29

Tá ndá naꞌa ndúvita ini ta nda yeꞌe ndúvita ini xiꞌin na, tá ndá na síndikava inka naꞌa nuu kuachi, ta ndee ni sáa ini i xíni i na íkan saa.

2 Corintios 6:3

Ta ndee ni kuenta íyo nde xaꞌa ñaꞌa ya íkan nde, chi köo íkan ndikuu nde ndá ka ñaꞌa väꞌa nuu naꞌa ya ná nïꞌi na ndá ka ñaꞌa kaꞌan ndikuu na xaꞌa chiñu íkan nde.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

1 Pedro 2:16

Chi ndóꞌo̱ ta ndo xa xíka ndíka ku ndo, köo núꞌni ka ndo ndaꞌa ya väꞌa ya ikan ndo ya väꞌa, yakan ndóꞌo̱ ta täa nuu ndo ya ñaa ya ikan ndo ndá ka chiñu väꞌa. Ya vaꞌa ni kua koo ndo tá kuꞌva íin naꞌa, na xáa chiñu nuu Ndioxi.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.

El Apocalipsis 2:14

Vani kuaꞌa ni va ya vaꞌa íkan ndo, ta saa ni íyo uvi ndaa kuachi ndo nuu i. Saa chi íyo naꞌa, na ndíkitaꞌan xiꞌin ndo nuu ndíkitaꞌan ndo xáa kaꞌnu ndo Ndioxi, ta na ñaa ta xáa súvi ka va na ya si̱naꞌa ra Balaam xinaꞌa. Chi ra íkan ku ra ndi̱kaꞌan xiꞌin ra Balac ndá kuꞌva kuchiñu sikoyo ra na ñuu Israel. Ta si̱ndikava ra na nuu kuachi, chi xi̱xi na ñaꞌa ya síniꞌi naꞌa nuu kuaꞌa ni ndioxi ndíi án naꞌna ya káꞌan na kúu ndioxi na. Ta ta̱a sií ra nda taa ya koo tani nda. Ta saa i̱kan tu ra xiꞌin ná síꞌi va.