1 Corintios 8:2 - Xochapa Mixteco

² Tá ndíkani ini sava naꞌa ya xíni ni na túvi na, ta ni köo xíni na tá kuꞌva xíniñuꞌu na kundaa vaꞌa ka ini na.

1 Corintios 8:2 Mawu Ofanana

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.