1 Corintios 8:13 - Xochapa Mixteco

¹³ Yakan tá xaꞌa ya xíxi yo kuñu kua síndikava yo na taꞌan yo nuu kuachi, ta vaꞌa ka kua ná küxi ka yo kuñu nda iin ichí, ya ná täxi yo koyo na taꞌan yo nuu kuachi.

1 Corintios 8:13 Mawu Ofanana

San Mateo 17:27

Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.

Los Hechos 15:20

Vaꞌa ná taa yo iin tutu kuꞌun ndaꞌa na nuu kaꞌan yo xiꞌin na ya küvi kuxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ta ni iin taa ta küvi kiꞌvi ra xiꞌin inka ñaꞌa tá tu süvi yá síꞌi ra ku yá, saa tu ná ñaꞌa va tá tu süvi ií ná ku iin taa, ni kiti ndíxita na sukun küvi kuxi na, ni nií ri küvi kuxi na, kachi yo xiꞌin tutu tiꞌvi yo kuꞌun ndaꞌa na köo kúu judío.

ROMANOS 14:13

Xaꞌa ya ikán kua ná käꞌan kuachi ka yo xaꞌa na taꞌan yo. Ná kiꞌin yo kuenta xiꞌin mií yo ta ná täxi yo kakiꞌi na taꞌan yo, koyo na nuu kiꞌvi na kuachi, ta küaꞌa ka na kandixa na Ndioxi.

ROMANOS 14:21

Yakan kua vaꞌa ka küxi ndo kuñu ni köꞌo ndo ndixi, tá tu xaꞌa ya ñaa ku ya táxi koyo na taꞌan ndo nuu kuachi. Nda iin ñaꞌa ïkan ndo nuu na taꞌan ndo ya sindikava ya ini na ndáa ni ini na xíni na Jesucristo.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Corintios 13:5

Naꞌa, na ndee ni íyo ya kúꞌvi ini táxi Ndioxi ndaꞌa na ta tǒꞌo ni na, ni köo ndíꞌi ini na ndisaa xaꞌa mií na, ni köo sáa kama na, ni köo kíꞌin na kuenta xaꞌa ya väꞌa íkan inka naꞌa xiꞌin na,

1 Corintios 6:12

Saa káꞌan sava ndo, káchi ndo saa: “Xaꞌa ya ndíkun yo ichí Tata yo Jesucristo ta ki̱ndoo ndíka yo ya ikan yo ndá ka ñaꞌa ya kúni mií yo”, káchi ndo. Ya ndaa kua ya vaꞌa ni ikan ndo ku ndiꞌi va ya, sundi süvi ndiꞌi ya íkan ndo ku ya vaꞌa nuu Ndioxi, yakan täxi ndo kaꞌnda chiñu ya kúni mií ndo nuu ndo.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

2 Corintios 11:29

Tá ndá naꞌa ndúvita ini ta nda yeꞌe ndúvita ini xiꞌin na, tá ndá na síndikava inka naꞌa nuu kuachi, ta ndee ni sáa ini i xíni i na íkan saa.

2 Corintios 6:3

Ta ndee ni kuenta íyo nde xaꞌa ñaꞌa ya íkan nde, chi köo íkan ndikuu nde ndá ka ñaꞌa väꞌa nuu naꞌa ya ná nïꞌi na ndá ka ñaꞌa kaꞌan ndikuu na xaꞌa chiñu íkan nde.