1 Corintios 8:10 - Xochapa Mixteco

¹⁰ Saa chi tá ná kuni iin ñani yo, ra vita ini, ya ndóo ndo nuu mesa xíxi ndo nuu xáa kaꞌnu na naꞌna ndioxi ya ndíi, ta ìyo ni xi̱nu ini ra ikán kuxi ra ñaꞌa ya sóko naꞌa nuu naꞌna ndioxi ya ndíi, vani ndíkani uvi ini ra xaꞌa ya íkan ra saa.

1 Corintios 8:10 Mawu Ofanana

Los Hechos 15:20

Vaꞌa ná taa yo iin tutu kuꞌun ndaꞌa na nuu kaꞌan yo xiꞌin na ya küvi kuxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ta ni iin taa ta küvi kiꞌvi ra xiꞌin inka ñaꞌa tá tu süvi yá síꞌi ra ku yá, saa tu ná ñaꞌa va tá tu süvi ií ná ku iin taa, ni kiti ndíxita na sukun küvi kuxi na, ni nií ri küvi kuxi na, kachi yo xiꞌin tutu tiꞌvi yo kuꞌun ndaꞌa na köo kúu judío.

ROMANOS 14:14

Tá kúu yeꞌe, ta xíni i köo ñaꞌa xíxi yo yakua nuu Ndioxi, ya vaꞌa ku ndiꞌi ya. Ta yeꞌe ndíkun Tata yo Jesús ku i ta kúndaa vaꞌa ini i vaꞌa kuxi yo ndiꞌi ya. Sundi tá íyo naꞌa káꞌan, küvi kuxi yo sava ñaꞌa chi ya väꞌa ku ya nuu Ndioxi, káchi na, ta vaꞌa ná küxi na ya, tá tu saa ndíkani ini na.

ROMANOS 14:23

Saa ni sava na, tá köo kúndaa teꞌe ini na xaꞌa ñaꞌa xíxi na, ndíkani uvi ini na xiꞌin ya, ta saa ni xíxi na ya. Ta ndiꞌi naꞌa íkan ndá ka ñaꞌa, tá tu xíka uvi ini na xaꞌa ya íkan na, ta väꞌa chi ndíkundiso na kuachi nuu Ndioxi xaꞌa ya köo iin ndíkani ini na.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 8:4

Ta soꞌva káꞌan i xiꞌin ndo, xaꞌa ñaꞌa ya ndákan tuꞌun ndo yeꞌe án vaꞌa kuxi yo ñaꞌa ya sóko naꞌa nuu naꞌna ndioxi ya ndíi, án väꞌa kuxi yo ya. Chi ni köo táku naꞌna ndioxi na, ta ni köo ndee kúu mií ya, ta xa xíni va yo ndioxi na yóꞌó ta ni köo ndáa yaꞌvi ya, saa chi iindaa mituꞌun va ku mií Ndioxi ra ndaa ni.

1 Corintios 8:7

Ta süvi ndiꞌi yo ndíkun Tata yo Jesucristo ku yo xíni xaꞌa ya yóꞌó. Chi sava na ka̱ñuꞌu naꞌna ndioxi ndíi ta xíka uvi ka va ini na tá xíxi na kuñu. Ta ndíkani ini na xiꞌin ya án sana ya ndi̱soko naꞌa nuu naꞌna ndioxi ya ndíi kua káꞌán na. Xaꞌa ya xíka uvi ini na tá xíxi na ya, saa ndúu na tá íin naꞌa, na yáꞌa nuu Ndioxi, túvi na.

1 Corintios 8:9

Ta ndóꞌo̱ ta xa íyo va ichí ndo kuxi ndo ndiꞌi kúu ñaꞌa, sundi kuenta ni koo ndo, chi íyo na ñani yo, na vita ni ini, ta ìyo ni koyo na nuu kuachi xaꞌa ñaꞌa ya xíxi ndo.