1 Corintios 7:9 - Xochapa Mixteco

⁹ Sundi tá köo kúchiñu ndo kaꞌnda ndo nuu ikin kuñu ndo, ta vaꞌa ka kua ná tindaꞌa va ndo, süvi ka vi ya ndíkani ini ndo ndee ni kútoo ndo xíni taꞌan ndo.

1 Corintios 7:9 Mawu Ofanana

Los Hechos 19:36

Ta nda iin na küvi ndikuaa ya káꞌan i xaꞌa xiꞌin ndo, chi ya ndaa kua káꞌan i xiꞌin ndo. Yakan vaꞌa ka kutaxin yuꞌu ndo ta nda iin ya ïkan ndo xaꞌa ya sáa ini ndo.

1 Corintios 7:2

Sundi xaꞌa ya ìyo ni kiꞌvi nda taa xiꞌin ndá ka mií ná síꞌi, yakan vaꞌa ka kua ná tindaꞌa va ndo, ta ná koo yá síꞌi ndo, ta saa tu ná ñaꞌa va, ná tindaꞌa ná koo ií ná.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

1 Corintios 7:36

Ta sava tu nda ndíkani ini vaꞌa ka kua ná tindaꞌa nda xiꞌin yá xa íyo yuꞌu nda xiꞌin, chi xa kuaꞌan yáꞌa kuiya yá ya tindaꞌa yá káchi na, ta vaꞌa ná ndikiꞌin taꞌan na, ná tindaꞌa na xiꞌin taꞌan na, süvi kuachi ku ya nuu Ndioxi.

1 Corintios 7:39

Ta ñaꞌá yá íyo ií, ta xíniñuꞌu yá koo yá xiꞌin ra ndiꞌi saa kivi ya táku ra. Sundi tá tu ndi̱xiꞌi ií yá ta saa kua vaꞌa tindaꞌa tuku yá xiꞌin inka taa ra kúni mií yá. Ta ra kándixa Jesucristo ku ra xíniñuꞌu yá tindaꞌa yá xiꞌin.

1 Tesalonicenses 4:4

Xaꞌa ya ikán kua xíniñuꞌu ndo kundaa ini ndo ndá kuꞌva kundàà vií ndo yá síꞌi ndo xiꞌin ya i̱í nuu xáa kaꞌnu ndo Iva yo Ndioxi.

1 Timoteo 5:11

Ta ná kuâán ndi̱xiꞌi ndaa, ná vali kúni ta töso un kivi ná nuu lista un ya chindee taꞌan na ñani yo, na veꞌe ñuꞌu xiꞌin ná. Saa chi vaxi kivi ta kutoo tuku ná tindaꞌa ná xiꞌin taa, ta küchiñu ka ná xaa súvi ná chiñu ya ki̱ndoo ná ikan ná xaꞌa ichí Tata yo Jesucristo.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.