1 Corintios 7:21 - Xochapa Mixteco

²¹ Án sana tá kivi ka̱na Ndioxi ndóꞌo̱ ya kundikun ndo ra, ta na sa̱ta naꞌa xáa chiñu nuu na ku ndo, ta kündiꞌi ini ndo. Tá tu kúchiñu ndo ta vaꞌa nduku ndo kuꞌva ya ná saña na ndóꞌo̱ kindoo ndíka ndo.

1 Corintios 7:21 Mawu Ofanana

San Lucas 12:29

Kündiꞌi ini ndo xaꞌa ñaꞌa kuxi ndo án nduta koꞌo ndo án ndá ka ñaꞌa xíniñuꞌu ndo, kündiꞌi ini ndo xaꞌa nda iin ya.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

1 Corintios 7:20

Xaꞌa ya ñaa kua ná koo ndo tá kuꞌva ndi̱xiyo ndo kivi ka̱na Iva yo Ndioxi ndóꞌo̱.

1 Corintios 7:22

Saa chi tá ra sa̱ta naꞌa xáa chiñu nuu na kúu un tá kivi ka̱na Tata yo yóꞌo̱. Ta vitin xa ndi̱sa̱ña ndika un i̱kan Tata yo. Ta saa tu naꞌa, na ndóo ndika tá kivi ka̱na Tata yo na, ya kundikun na ra, ndu̱u na tá íin naꞌa, na sa̱ta ra ndíkun ñaꞌa na.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Filipenses 4:11

Xaꞌa ya káꞌan i saa xiꞌin ndo ta süvi xaꞌa ya kúmani ndá ka ñaꞌa nuu i kua, chi xa si̱kuaꞌa i ndá kuꞌva kusini i xiꞌin ya kúu mií i.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Colosenses 3:11

Ta xaꞌa ya xa ndu̱u ndo na xa̱á vitin ta köo ndáa yaꞌvi ka ya án ndo judío ku ndo án süvi ndo judío ku ndo, án ndo kúu mií tuni Ndioxi ku ndo, án ndo köo tuni Ndioxi ku ndo, án ndo ka̱ꞌvi ni ku ndo án ndo köo ndi̱kaꞌvi ku ndo, án ndo ke̱e inka ñuu kani ni ku ndo, án ndo xáa chiñu xiꞌin ya nduxa ku ndo, án ndo íyo ndika ku ndo, nda iin ya yóꞌó köo ndáa yaꞌvi ni, ya ndee ni ndáa yaꞌvi kua íyo Cristo xiꞌin ndo vitin.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.

1 Pedro 5:7

Ta nditaxi ndiꞌi ndo tindoꞌo ya síndiꞌi ini ndo ndaꞌa ra, saa chi mií ra ku ra ndáa ndóꞌo̱.