1 Corintios 7:15 - Xochapa Mixteco

¹⁵ Sundi tá kúni iin taa ra köo kándixa tuꞌun Tata yo, sindikoo ra yá síꞌi ra, ta vaꞌa ná sindikoo va ra yá. Ta saa tu ñaꞌa yá köo kándixa tuꞌun Tata yo Jesucristo, tá kúni yá sindikoo yá ií yá, ta vaꞌa ná sindikoo va yá ra. Saa chi Ndioxi ta ka̱na ra yoo ya koo vívií yo xiꞌin taꞌan yo, köo ndi̱kana ra yoo ya koo yo kanitaꞌan yo.

1 Corintios 7:15 Mawu Ofanana

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Lucas 9:39

Tachi nduvaꞌa kua kúu mií ra, ta iin síndaꞌi koꞌo ñaꞌa ya xáꞌni too ya ra, táva ya chiñu yuꞌu ra. Xáa nduvaꞌa ni ya xiꞌin seꞌe i, ta ni köo xíin ya saña ya ra.

ROMANOS 12:18

Xaꞌa ni ndo ndee, nduku ndo kuꞌva ya koo vaꞌa ndo xiꞌin ndiꞌi naꞌa.

ROMANOS 14:19

Xaꞌa ya ñaa kua ná xaꞌa ni yo ndee ya koo vií yo xiꞌin taꞌan yo, na kándixa Jesucristo. Kuꞌva saa ná ikan yo ya chindee taꞌan yo xiꞌin na taꞌan yo ya ná kuaꞌnu ka na xaꞌa ya ndíkun na Jesucristo.

1 Corintios 14:33

Saa chi Ndioxi ta köo kútoo ra ya iin ndá síso kaꞌan ndiꞌi yo, chi ya kúni ra kua vívií ná koo ndiꞌi yo, tá kuꞌva íyo ndiꞌi na ñani yo, na veꞌe ñuꞌu, saa ná koo yo.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

HEBREOS 12:14

Ta nduku ndo kuꞌva ya koo vaꞌa ni ndo xiꞌin ndiꞌi naꞌa. I̱í ni koo ndo, saa chi tá tu köo i̱í ini ndo ta küchiñu ndo kuni ndo Ndioxi. Ta ni nda iin naꞌa, ta küchiñu na kuni na ra, tá tu kéꞌe na ya väꞌa.

Santiago 2:15

Tá íyo iin ñani yo án iin kuꞌva yo na köo toto kundixi, ni ya kuxi na köo, ná kachi yo.