1 Corintios 7:12 - Xochapa Mixteco

¹² Ta ya yóꞌó ku ya ndítuꞌun i xiꞌin ndiꞌi ndo. Yeꞌe ku i káꞌan xiꞌin ndo, süvi ya káꞌan Tata yo ku ya: Tá ndá iin ñani yo íyo yá síꞌi ra ta täꞌan kandixa yá síꞌi ra tuꞌun Tata yo Jesucristo, ta kúni va yá koo yá xiꞌin ra, ta saa ná koo ra xiꞌin va yá, ná käꞌnda ra tutu xiꞌin yá.

1 Corintios 7:12 Mawu Ofanana

1 Corintios 7:11

Sundi tá ná sindikoo ná ií ná, ta ná tïndaꞌa ka ná, án vaꞌa ka ná ndiko koo tuku ná xiꞌin ií ná. Saa tu nda taa va, ná käꞌnda nda tutu xiꞌin ná síꞌi nda.

1 Corintios 7:13

Ta saa tu tá íyo iin yá kuꞌva yo, ta täꞌan kandixa ií yá tuꞌun Tata yo Jesucristo, sundi kúni ra koo ra xiꞌin yá, ta vaꞌa ná koo ra xiꞌin va yá, ná käꞌnda yá tutu xiꞌin ra.

1 Corintios 7:25

Ta xaꞌa nda kuâán xiꞌin ná kuâán taki ná täꞌan tindaꞌa, ta köo ñaꞌa ndíxaꞌnda chiñu Tata yo nuu i xaꞌa na. Sundi vaꞌa va kaꞌan i xiꞌin ndo ndá kuꞌva ku ya ndíkani ini i, saa chi ta̱xi Tata yo ya xínituni i ndaꞌa i xaꞌa ya kúndaꞌvi ni ini ra xíni ra yeꞌe.

1 Corintios 7:27

Ndóꞌo̱ ñani yo, tá tu íyo yá síꞌi ndo, ta sïndikoo ndo yá. Ta nda ñani yo nda köo ná síꞌi, ta vaꞌa ná tïndaꞌa nda.

1 Corintios 7:6

Ya káꞌan i tuꞌun yóꞌó xiꞌin ndo ta süvi yeꞌe xáꞌnda chiñu ku i nuu ndo ya ikan ndo saa, yeꞌe ndíkani va ku i nuu ndo.

2 Corintios 11:17

Xaꞌa ya káꞌan vaꞌa i xaꞌa mií i ta nda tá káa iin ra kíꞌvi saa káa i, xaꞌa ya chínuu vaꞌa i tuꞌun i, chi süvi xiꞌin ichí táxi Tata yo Jesucristo ndaꞌa i kua káꞌan i, ya káꞌan i saa.