1 Corintios 6:8 - Xochapa Mixteco

⁸ Ta ndóꞌo̱, ta väꞌa íkan ndo chi íkan ndo ya väꞌa xiꞌin taꞌan mií ndo. Síkuiꞌna ndo ñaꞌa taꞌan ndo ¡nda na ñani mií ndo na kándixa Tata yo Jesucristo íkan ndo saa xiꞌin!

1 Corintios 6:8 Mawu Ofanana

San Mateo 20:13

Saa ndi̱kuiin ra káꞌan ra xiꞌin iin ra ikan, káchi ra: “Tata migo, säa ni un, chi köo ndi̱sindaꞌvi i yoꞌo̱. Tá kuꞌva ki̱ndoo i xiꞌin un cha̱ꞌvi i yóꞌo̱, saa kua ta̱xi i ndaꞌa va un”.

San Marcos 10:19

Xa xíni mií un unkua káꞌan ley Ndioxi ya ta̱a ra Moisés xinaꞌa: ‘‘Käꞌni taꞌan ndo, ni xiꞌin inka ñaꞌa küsun ndo tá tu süvi yá síꞌi ndo ku yá, ni ñaꞌa na taꞌan ndo sïkuiꞌna ndo, ni chïkaa ndo kuachi siki nda iin naꞌa, ni sïndaꞌvi ndo na taꞌan ndo, kañuꞌu ndo iva ndo xiꞌin siꞌí ndo’’, káchi ley Ndioxi ya ta̱a ra Moisés xinaꞌa ―káchi Jesús xiꞌin ra.

Colosenses 3:25

Ta saa ndikaꞌán ini ndo ndiꞌi naꞌa, na íkan ya väꞌa ta kuꞌva saa ndikiꞌin na yaꞌvi na, saa chi Ndioxi ta iin káchi xaa nduvaꞌa ra xiꞌin ndiꞌi naꞌa.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

Santiago 5:4

Ta koto vaꞌa ndo, chi káꞌan kuachi va xuꞌun na xa̱a chiñu tátu nuu ndo ya si̱kuiꞌna ndo, ndi̱kasi ndaa ndo ya, si̱ndaꞌvi ndo na, köo ndi̱chaꞌvi ndo na. Ta ya köo ndíchaꞌvi ndo na ikán kua káꞌan kuachi ni na xaꞌa ndo nda nuu ndivi ndi̱xinu koo ya káꞌan na xaꞌa ndo xiꞌin Iva yo Ndioxi, ra ndee ni ndee kúu mií.