1 Corintios 5:8 - Xochapa Mixteco

⁸ Yakan kua xíniñuꞌu yo sindoo yo ndiꞌi ya väꞌa ikán yo, saa koo yo tá kuꞌva kúni mií Ndioxi, nduu yo tá íin naꞌa, na ndixa ni ndaa ini, na ndǎku ini. Tá ná ikan yo saa kua nduu yo tá íin naꞌa, na táva viko pascua nuu xíxi na xita vaꞌa ya köo uxan iya yata xiꞌin, chi uxan iya yata kua káa tá káa ndiꞌi nuu kuachi ya kini ni káa.

1 Corintios 5:8 Mawu Ofanana

San Mateo 16:12

Saa ku̱ndaa ini nda ya köo ndi̱kaꞌan ra xiꞌin nda xaꞌa uxan iya ya kuakee xiꞌin xita vaꞌa, sundi ndi̱kaꞌan ra xiꞌin nda xaꞌa kuꞌva ya sínaꞌa nda fariseo xiꞌin nda saduceo.

San Mateo 16:6

Saa ndi̱kaꞌan Jesús xiꞌin nda, káchi ra saa: ―Koto vaꞌa ndo, kuenta ni koo ndo xiꞌin uxan iya nda fariseo xiꞌin nda saduceo ―káchi ra xiꞌin nda.

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

1 Corintios 3:3

Saa chi nina ya kúni mií ndo íkan ndo. Yakan kua kǔní ini ndo xíni taꞌan ndo, ta káni taꞌan ndo xiꞌin taꞌan ndo, saa nda taꞌvi taꞌan ndo xiꞌin taꞌan ndo. Ya yóꞌó ku ya káꞌan xaꞌa ndo ya täꞌan kuaꞌnu ndo xiꞌin tuꞌun Ndioxi, chi íkan ndo tá íkan naꞌa, na ñuu ivi na köo xíni tuꞌun Ndioxi.

1 Corintios 5:1

Xa ndiꞌi naꞌa xíni xaꞌa ya íkan iin ra ndíkaa xiꞌin ndo veꞌe ñuꞌu. Xíni na ya kini ni íkan ra, chi ndi̱kiꞌin ra siꞌí ndáꞌvi ra ndu̱u yá síꞌi ra. Nda naꞌa, na köo xíni tuꞌun Ndioxi ta köo na íkan saa.

1 Corintios 5:6

Ta kütai ni ini ndo xiꞌin ya väꞌa íkan ra ñaa. Xa xíni ndo unkua káꞌan tuꞌun ndíchi ya káꞌan soꞌva: “Loꞌo paꞌa tíin uxan iya kuakee xiꞌin uxan xita vaꞌa ta ndee ni sínañu ñaꞌa ya”, káchi ya.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 8:8

Ta ya káꞌan i xiꞌin ndo kuꞌva soꞌva, ta süvi yeꞌe xáꞌnda chiñu ku i nuu ndo, káꞌan i xiꞌin ndo saa ya kúni i ná kuni ndo ndá kuꞌva íyo ndúvi inka na taꞌan yo ya chindee taꞌan na xiꞌin na taꞌan yo, na ndaꞌvi. Ta kuꞌva saa kúni i ná ikan ndo tá kuꞌva íkan na taꞌan yo ikán. Saa kua vaꞌa sinaꞌa ndo mií ndo nuu na ya ndixa kua kúꞌvi ni ini ndo xíni ndo na.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

1 Pedro 4:2

xaꞌa ya íyo ndúvi na ya xaa súvi na ya kúni mií Ndioxi tiempo ya táxi ra táku ka na ñuu ivi yóꞌó, ta köo íyo ka na tá kuꞌva kúni mií ikin kuñu na.