1 Corintios 5:13 - Xochapa Mixteco

¹³ Mií Ndioxi ku ra xaa nani kuachi xiꞌin naꞌa, na köo xíni tuꞌun ra. Xaꞌa ya ñaa kua vaꞌa ka tava ndo ra ndíkaa xiꞌin ndo veꞌe ñuꞌu xaꞌa ya väꞌa kéꞌe ra.

1 Corintios 5:13 Mawu Ofanana

San Mateo 18:17

Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

1 Corintios 5:1

Xa ndiꞌi naꞌa xíni xaꞌa ya íkan iin ra ndíkaa xiꞌin ndo veꞌe ñuꞌu. Xíni na ya kini ni íkan ra, chi ndi̱kiꞌin ra siꞌí ndáꞌvi ra ndu̱u yá síꞌi ra. Nda naꞌa, na köo xíni tuꞌun Ndioxi ta köo na íkan saa.

1 Corintios 5:2

¡Ta ndóꞌo̱, ta ndo kútai ini va ku ndo xaꞌa ya väꞌa íkan ra ñaa nuu ndo! ¡Ndóꞌo̱ kuchiꞌña ini vi ku ndo, ndikuu, ta köo íkan ndo saa! Ta ra íkan saa, ta vaꞌa tava ndo ra, ná keta ra veꞌe ñuꞌu, täxi ka ndo ndikaa ra xiꞌin ndo.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

1 Corintios 5:7

Xaꞌa ya ñaa kua vaꞌa ka ná tava ndo uxan iya yata ya sítivi ndóꞌo̱. Ta vaꞌa nduu ndo tá káa uxan xita vaꞌa ya xa̱á. Saa chi ndóꞌo̱ ta tá íin xita vaꞌa ya xíniñuꞌu na viko pascua saa íin ndo, chi ya ikán ta köo uxan iya kúu mií ya. Chi Jesucristo ku ra káa tá káa levo kiti sóko na xaꞌa kuachi na viko pascua, chi xa ndi̱soko ra mií ra ndi̱xiꞌi ra xaꞌa kuachi yo.

HEBREOS 13:4

Ndóꞌo̱ taa nda xa ti̱ndaꞌa, án ná síꞌi xa ti̱ndaꞌa ta xíniñuꞌu ndo kañuꞌu ndo yá síꞌi ndo án i̱í ndo. Ta käka ndo xiꞌin inka ñaꞌa án inka taa, saa chi Ndioxi ta ndee ni xaa nduvaꞌa ra xiꞌin ndiꞌi na íkan saa.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.