1 Corintios 4:9 - Xochapa Mixteco

⁹ Chi ndeꞌe xíka chiñu nuu Tata yo Jesús, ta tá íin naꞌa, na ndíkun nda sindiꞌi vaꞌa va, saa íin nde túvi yeꞌe. Chi tá íin naꞌa, na xa ndíta nuu xa kaꞌni ñaꞌa va na, saa íin nde. Xíto ni na ñuu ivi yóꞌó nuu nde xiꞌin na tatun Ndioxi, ndíkanda ni ini ndiꞌi na xíto na nuu nde, ya ndóꞌo nde saa.

1 Corintios 4:9 Mawu Ofanana

Los Hechos 19:29

Ñaa iin ndi̱siso ndiꞌi na ñuu, ndá síso ndáꞌi na. Ta saa ti̱in na uvi nda taꞌan ra Pablo, ra náni Gayo xiꞌin ra Aristarco, nda ke̱e chí estado Macedonia. Tá ti̱in ñaꞌa na, saa ndi̱kundaka na nda kuaꞌan nda xiꞌin na nuu si̱kuaꞌa na ndíkitaꞌan kuaꞌa ni naꞌa, ya káꞌan na xiꞌin teatro.

Los Hechos 19:31

Nda sava mií na chiñu na xíni taꞌan ra xiꞌin ndóo mi estado Asia ikán, ta köo ndi̱xiin na kiꞌvi ra. Ti̱ꞌvi na tutu kuaꞌan ndaꞌa ra nuu xíkan na ya mani nuu ra ya ná kïꞌvi ra.

ROMANOS 8:36

Nda tuꞌun Ndioxi ya ta̱a na xinaꞌa, káchi ya saa: Xaꞌa ya kándixa nde yóꞌo̱, Iva yo Ndioxi, ta kúni na kaꞌni na ndeꞌe ndiꞌi saa kivi. Íkan na saa xiꞌin nde tá kuꞌva íkan na xiꞌin iin kiti levo loꞌo, tá ku̱aꞌan ri nuu kuvi ri, káchi tuꞌun Ndioxi.

1 Corintios 15:19

Tá tu ndisaa ya táku yo ñuu ivi yóꞌó va kua ndáa yaꞌvi ni ya kándixa yo Tata yo Jesucristo, ta nda loꞌo köo ndátun yo ya nditaku yo xiꞌin Ndioxi nuu ndivi, ta ndáꞌvi ni ka va yoo nuu ndiꞌi ni kuu naꞌa, ndíkuu.

2 Corintios 11:23

Tá tu kútai ni ini nda chi nda xáa chiñu ni nuu Cristo ku nda túvi nda, ta yeꞌe, ta ndee vaꞌa ka va xáa chiñu i nuu ra. Nda tá káa iin ra kíꞌvi va saa káa i ya káꞌan i saa. Chi yeꞌe ta ndee ni ka chíkaa i ndee nuu nda ñaa, kuaꞌa ni ichí ku̱nduvaꞌa na xiꞌin i, ta kuaꞌa ni ichí chi̱kaa na yeꞌe veꞌe kàà nuu nda ñaa, ta ndi̱xaꞌa ndee ndiꞌi ini i ndo̱ꞌo i saa, ta kuaꞌa ni ichí ku̱ni kaꞌni na yeꞌe.

2 Corintios 6:9

Ta sava na vani xíni vaꞌa na ndeꞌe, ta ndása xïni na ndeꞌe, sundi mií Ndioxi ta xíni vaꞌa va ra ini nde. Sava na ndíkani ini xaꞌa nde tá íin nde xa xíꞌi saa íin nde, káchi na, ta süvi ya ndaa kua, chi ndeꞌe táku va ku nde, sava tu ichí xa̱a ndu̱vaꞌa ni na xiꞌin nde, sundi köo ndi̱xaꞌni na ndeꞌe.

1 Tesalonicenses 3:3

ya ná ndïkava ini ndo xaꞌa ya tíxuꞌvi ni ndo vitin. Xa xíni tu mií va ndo ya xíniñuꞌu yo ndoꞌo ni yo.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

HEBREOS 10:33

Sava ndóꞌo̱, ta ndee ni ti̱xuꞌvi ndo xaꞌa ya kini ni ndi̱kaꞌan naꞌa xiꞌin ndo, saa xa̱a ndu̱vaꞌa ni na xiꞌin ndo nuu ndiꞌi naꞌa. Ta saa tu ndóꞌo̱ va, ku̱ndaꞌvi ini ndo xi̱ni ndo na taꞌan ndo, na ndóꞌo̱ tá kuꞌva ndo̱ꞌo ndo, saa ndi̱xaꞌan ndo chi̱tuvi ndo na.

HEBREOS 11:36

Ta xaꞌa ya xi̱ndaa ni ini na ikán xi̱ni na Ndioxi kua ndo̱ꞌo ni na ndaꞌa naꞌa, xa̱a siki ni ñaꞌa na, xa̱a chiꞌña ni na xiꞌin na saa ka̱ni ni ñaꞌa na. Ta inka na xi̱nuꞌni xiꞌin cadena xi̱ñuꞌu na veꞌe kàà.