1 Corintios 4:8 - Xochapa Mixteco

⁸ Saa ndóꞌo̱ ndíkani ini ndo, xaa kúu mií ndo ndiꞌi ñaꞌa ya xíniñuꞌu ndo, ta xa ndu̱kuika ni ndo yakan ni köo xíniñuꞌu ka ndo ndeꞌe, túvi ndo. Ta vaꞌa ni va, tá tu xa ndu̱u ndo rey na xáꞌnda chiñu, ta nda ndeꞌe niꞌi loꞌo kaꞌnda chiñu nde xiꞌin va tu ndo.

1 Corintios 4:8 Mawu Ofanana

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Lucas 6:25

’Ndaꞌvi ni ndóꞌo̱ ndóo ndoso ni ñaꞌa xíxi nuu, chi vaxi kivi ta kuvi ni ndo soko. ’Saa ndóꞌo̱ vaꞌa ni xáku tiempo vitin, ndaꞌvi ni ndo saa chi vaxi kivi ta kuaku suchi ni ini ndo.

Los Hechos 26:29

―¡Án siloꞌo án kuaꞌa sixinu i ini un, Ndioxi ná kachi ta ndikundikun un ichí ra saa tu ndiꞌi na ndóo xíni soꞌo ya káꞌan i, ta ná nduu na tá kuꞌva íyo yeꞌe, sundi süvi tá kuꞌva núꞌni i xiꞌin cadena yóꞌó! ―káchi ra Pablo xiꞌin na.

ROMANOS 12:3

Xaꞌa ya vaꞌa ni Ndioxi ta si̱niꞌi uun ra nuu i káꞌan i xiꞌin ndo, yakan xíkan ni i ya mani nuu ndo ndïkani ini ndo ya vaꞌa ni ka mií ndo nuu inka naꞌa. Vaꞌa ka kiꞌin ni ndo kuenta ndá kuꞌva ndíkani ini ndo xaꞌa mií ndo. Ta ndáꞌvi, ndáꞌvi ndikani ini ndo, ikan ndo tá kuꞌva íyo ya vaꞌa ta̱xi Ndioxi ndaꞌa iin iin ndo ya kándixa ndo ra.

1 Corintios 1:5

Saa chi tixin Jesucristo kua ta̱xi ni Ndioxi ya vaꞌa ndaꞌa ndo ya kuchiñu ndo ndituꞌun ndo ya vaꞌa xiꞌin na ivi, saa ta̱xi ra ya ndíchi ni ndaꞌa ndo.

1 Corintios 4:18

Ta sava tu ndo kútai ni ini, chi ndíkani ini ndo nda iin ichí ndïko koo ka i xaa i nuu ndo koto i ndóꞌo̱, káꞌan ndo.

1 Corintios 5:6

Ta kütai ni ini ndo xiꞌin ya väꞌa íkan ra ñaa. Xa xíni ndo unkua káꞌan tuꞌun ndíchi ya káꞌan soꞌva: “Loꞌo paꞌa tíin uxan iya kuakee xiꞌin uxan xita vaꞌa ta ndee ni sínañu ñaꞌa ya”, káchi ya.

2 Corintios 11:1

Ndúku ni i ya mani nuu ndo ya xaꞌa ndee ini ndo xiꞌin i ya kuni soꞌo ndo ya káꞌan i xiꞌin ndo, án sana tá káa ya káꞌan iin ra sána va saa káa ya káꞌan ni i xiꞌin ndo xaꞌa i, ta xaꞌa ndee ni ini ndo xiꞌin va i.

2 Corintios 13:9

Yakan kúsini ni va nde tá vita ni ini nde, chi ndeꞌe, ta kúni nde ya ná nduu ndee ni ndóꞌo̱. Saa káꞌan ni nde xaꞌa ndo xiꞌin Ndioxi ya ná nduu xa̱á ka ndo, saa xinu ndo nduu ndo naꞌa, na vaꞌa ni.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.

Filipenses 1:27

Ta kuenta ni koo ndo xaa súvi ndo ndisaa ya káꞌan tuꞌun ra xiꞌin ndo. Án xaa i koto i ndóꞌo̱ án xäa i nuu ndo, sundi kúni i kuni soꞌo i tuꞌun vaꞌa xaꞌa ndo ya ndaku ni íyo ndo xiꞌin tuꞌun Tata yo, ta iin yuꞌu ni ku ndo, iin ítaꞌan ndiꞌi ndo xáa chiñu ndo xaꞌa ra.

Filipenses 2:12

Na taꞌan yo, na kúꞌvi ni ini i xíni i, yachi tá ndi̱xiyo i xiꞌin ndo ta ndiꞌi saa ichí xa̱a súvi ni ndo tuꞌun Ndioxi ya ndi̱kaꞌan i xiꞌin ndo. Ta saa tu vitin va, vani köo íyo i xiꞌin ndo ta ndee ni ka xíniñuꞌu ndo xaa nduxa ndo ya ikan ndo ya vaꞌa taꞌan ya íkan naꞌa, na síkaku Ndioxi. Ikan ndo saa xaꞌa ya xáa toꞌo ndo Ndioxi, saa tu xaꞌa ya íꞌvi ndo xíni ndo ra.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.

El Apocalipsis 5:10

Ta̱xi un ichí ndaꞌa na ya ndu̱u na rey. Saa nda̱sa un na sutu, na i̱í, ya xaa chiñu na nuu Iva yo Ndioxi. Ta na ikán ku na kaꞌnda chiñu nuu ndiꞌi naꞌa xiꞌin ndiꞌi ñaꞌa ya íyo ñuu ivi yóꞌó, káchi na xíta na nuu kiti Levo loꞌo ikán.