1 Corintios 4:19 - Xochapa Mixteco

¹⁹ Sundi tá Ndioxi ná kachi, ta kama ni va xaa i koto i ndóꞌo̱. Ta saa kundaa ini i xaꞌa nda taꞌan ndo, nda ndee ni kútai ini xíka sínaꞌa, tá tu ya ndixa kua nde ni íyo ndee Ndioxi xiꞌin nda, án sana xiꞌin tuꞌun mií ya kána koo xi̱ní mií va nda kua káꞌan nda.

1 Corintios 4:19 Mawu Ofanana

Los Hechos 18:21

Saa nda̱i ra na, káchi ra saa: ―Xíniñuꞌu kuꞌun i ñuu Jerusalén viko ya vaxi, sundi ná kuꞌun i tá Ndioxi ndi̱kaꞌan, ta ndiko koo tuku i koto i ndóꞌo̱ ―káchi ra xiꞌin na. Saa keta ra ñuu Éfeso kuaꞌan ra xiꞌin barco.

Los Hechos 19:21

Ta saa ndi̱kani ini ra Pablo kuꞌun ra estado Macedonia xiꞌin estado Acaya. Tá ndiꞌi ikán ta ndiko koo ra kuꞌun ra chí ñuu Jerusalén, ta ikán kee ra kuꞌun ra nda ñuu Roma, káꞌán ra.

Los Hechos 20:2

Ndiꞌi kúu ñuu ya ñúꞌu estado Macedonia ikán ndi̱xika ra ndi̱kaꞌan ni ra xiꞌin na kuaꞌan ichí Jesús, saa ndi̱xaꞌa ni ra ndee xiꞌin na. Saa ke̱e ra ndi̱kiꞌin ra kuaꞌan ra chí Grecia.

ROMANOS 15:32

Tá tu Ndioxi ná kachi, ta xaa i koto i ndóꞌo̱, kúsini ni i xaa i nuu ndo. Saa iin káchi ndikitaꞌan yo ndikundee ini yo, xaꞌa ni yo ndee xiꞌin taꞌan yo.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 14:5

Chi yeꞌe, ta kúni ni i ya ná kaꞌan ndiꞌi ndo inka nuu tuꞌun ya köo kúndaa ini ndo xiꞌin ya ke̱e nuu ndivi. Sundi ya kúni ni ka i kua ná kuchiñu ndiꞌi ndo kaꞌan ndoso ndo tuꞌun yuꞌu Ndioxi. Saa chi naꞌa, na káꞌan ndoso ta ndee ni ka ndáa yaꞌvi ya íkan na ikán nuu naꞌa, na káꞌan tuꞌun ya köo xíni na. Vaꞌa va kaꞌan na tá tu íyo inka naꞌa, na síndiko koo tuꞌun ya káꞌan na, tá tu ná ikan na saa, ta saa kua vaꞌa xaꞌa ni na ndee xiꞌin na veꞌe ñuꞌu.

1 Corintios 16:5

Ndíkani ini i kuꞌun i koto i ndóꞌo̱ ñuu Corinto, ta xiꞌna chí estado Macedonia yaꞌa i saa xaa i nuu ndo.

1 Corintios 16:7

Ta köo kúni i yaꞌa xaa i nuu ndo vitin, yakan tá ná kunaꞌa i saa xaa i koto i ndóꞌo̱, chi kúni i kuachi loꞌo i xiꞌin ndo, tá Ndioxi ná kachi.

1 Corintios 2:6

Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.

1 Corintios 4:18

Ta sava tu ndo kútai ni ini, chi ndíkani ini ndo nda iin ichí ndïko koo ka i xaa i nuu ndo koto i ndóꞌo̱, káꞌan ndo.

1 Corintios 4:6

Ñani yo, soꞌva íyo ya ndítuꞌun i xiꞌin ndo xaꞌa ra Apolos ñani yo, xiꞌin yeꞌe. Ndítuꞌun i xiꞌin ndo chi kúni i ná sikuaꞌa vaꞌa ndo, yakan koto vaꞌa ndo ndá kuꞌva íkan nde xiꞌin ndo, ta saa ikan ndo, tá kuꞌva káꞌan tuꞌun Ndioxi, ya ta̱a na xinaꞌa káchi ya saa: “Vaꞌa ikan ndo ndisaa ya káꞌan tuꞌun Ndioxi, ta chïnuu ka ndo ya káꞌan ya”, ya ná käꞌan tái ni ndo xaꞌa iin nde, ta kundasi nuu ndo kuni ndo inka nde.

2 Corintios 1:23

Ta mií Ndioxi ku ra ndíkuiin xaꞌa ya káꞌan i xiꞌin ndo, ndá xaꞌa kua köo ndi̱xaa i nuu ndo ñuu Corinto koto i ndóꞌo̱, chi köo ndi̱kuni i kaꞌan i xiꞌin ndo ndá ka tuꞌun uꞌvi, ya sitikueꞌe i ndóꞌo̱, ta xaꞌa ya ñaa kua köo ndi̱xaa i nuu ndo.

2 Corintios 10:9

Ta köo kúni i ya ndikani ini ndo kúni i síꞌvi i ndóꞌo̱ xiꞌin tutu ya táa i xaa nuu ndo.

HEBREOS 6:3

Ta mií Ndioxi ná kachi, ta sikuaꞌa vaꞌa ka yo ya ndíchi ni ka, saa xinu yo kuaꞌnu ka yo.

Santiago 4:15

Xaꞌa ya köo xíni ndo unkua kundoꞌo ndo kivi vaxi yakan vaꞌa ná kaꞌan ndo, kachi ndo soꞌva: “Tá mií Iva yo Ndioxi ná kaꞌan kutaku ka yo, saa ikan yo chiñu yóꞌó án chiñu kaá”, kachi ndo.