1 Corintios 4:17 - Xochapa Mixteco

¹⁷ Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

1 Corintios 4:17 Mawu Ofanana

San Mateo 24:45

Saa ndi̱kaꞌan tuku Jesús, káchi ra saa: ― Ná ndituꞌun i xiꞌin ndo unkua íkan iin ra xáa chiñu tatu, ra toꞌo ni. Xaꞌa ya vaꞌa ni xáa chiñu ra, ta ta̱xi xitoꞌo ra ichí ndaꞌa ra ndáa chiñu ra xiꞌin ndiꞌi na xáa chiñu nuu xitoꞌo ra, saa taxi ra kuxi na, tá ti̱ndaa hora kuxi na.

San Mateo 25:21

Saa ndi̱kaꞌan xitoꞌo ra káchi ra saa: “Vaꞌa ni i̱kan un, vaꞌa ni moso kuu mií un, vaꞌa ni kundaa ini i kuni i yóꞌo̱. Sikuiso chiñu i yóꞌo̱ nuu kuaꞌa ni ka ñaꞌa i, saa chi vaꞌa ni xa̱a súvi un chiñu loꞌo yóꞌó. Ta vitin naꞌa kiꞌvi un veꞌe i, ta kusini ni un xiꞌin i”, káchi patrón ra xiꞌin ra.

San Mateo 25:23

Saa ndi̱kaꞌan ra xitoꞌo ra, káchi ra saa: “Vaꞌa ni xa̱a súvi un chiñu, vaꞌa ni moso ku mií un. Vaꞌa ni kundaa ini i kuni i yóꞌo̱. Sikuiso chiñu i yóꞌo̱ xiꞌin kuaꞌa ni ka chiñu i, chi vaꞌa ni xa̱a súvi un chiñu loꞌo yóꞌó. Ta vitin naꞌa kiꞌvi un veꞌe i, nuu kusini ni un xiꞌin i”, káchi xitoꞌo ra xiꞌin ra.

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

1 Corintios 11:16

Tá ndá na kúni sikuaꞌa kuachi xaꞌa ya yóꞌó, ta xíniñuꞌu na kundaa ini na ya ñaa kua sínaꞌa i naꞌa ndiꞌi ni kúu veꞌe ñuꞌu, ta kuꞌva saa kua kándixa ndiꞌi va na.

1 Corintios 11:2

Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 14:33

Saa chi Ndioxi ta köo kútoo ra ya iin ndá síso kaꞌan ndiꞌi yo, chi ya kúni ra kua vívií ná koo ndiꞌi yo, tá kuꞌva íyo ndiꞌi na ñani yo, na veꞌe ñuꞌu, saa ná koo yo.

1 Corintios 16:1

Ta vitin kúni i ndituꞌun i xiꞌin ndo xaꞌa xuꞌun ya ndíkaya nde kuaꞌan ndaꞌa na ndaꞌvi kándixa Jesús ndóo ñuu Jerusalén. Ta vaꞌa ikan ndo tá kuꞌva íkan na veꞌe ñuꞌu ndóo estado Galacia, chi na ikán tá kuꞌva ndi̱kaꞌan i xiꞌin na saa íyo ya íkan na.

1 Corintios 16:10

Tá ná xaa ra Timoteo ñani yo nuu ndo, ta vaꞌa ndikiꞌin vií ni ndo ra, saa kusini ra koo ra xiꞌin ndo. Saa chi ra ikán, ta tá xáa chiñu yeꞌe nuu Iva yo Ndioxi, saa xáa chiñu ra.

1 Corintios 4:14

Ta süvi xaꞌa ya kúni i sikaꞌán i nuu ndo kua táa i tutu yóꞌó xaa ya nuu ndo. Sundi yeꞌe, ta kúni i kundaa yuꞌu i ndóꞌo̱, tá kuꞌva ndáa yuꞌu iin taa seꞌe ra, saa íkan i xiꞌin ndo xaꞌa ya kúꞌvi ni ini i xíni i ndóꞌo̱.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 4:2

Xa xíni yo, iin naꞌa, na ndíso chiñu xiꞌin ñaꞌa ya ta̱xi Ndioxi ndaꞌa na, ta xíniñuꞌu na kuu na naꞌa, na ndaa ini, na ndixa xáa súvi chiñu ndi̱kiꞌvi ndaꞌa na.

1 Corintios 7:17

Ta vaꞌa koo ndo tá kuꞌva chi̱tuni mií Tata yo ta̱xi ra ndaꞌa ndo. Taꞌan ya káꞌan i xiꞌin ndo ku ya káꞌan i xiꞌin tá kúu ndiꞌi ni kúu naꞌa, na veꞌe ñuꞌu.

1 Corintios 7:25

Ta xaꞌa nda kuâán xiꞌin ná kuâán taki ná täꞌan tindaꞌa, ta köo ñaꞌa ndíxaꞌnda chiñu Tata yo nuu i xaꞌa na. Sundi vaꞌa va kaꞌan i xiꞌin ndo ndá kuꞌva ku ya ndíkani ini i, saa chi ta̱xi Tata yo ya xínituni i ndaꞌa i xaꞌa ya kúndaꞌvi ni ini ra xíni ra yeꞌe.

2 Corintios 8:18

Ta saa tíꞌvi nde iin ra ñani yo xaa ra xiꞌin ra, ta ra ñani yo yóꞌó ku ra ndee ni vaꞌa ínuu tuꞌun nuu ndiꞌi na veꞌe ñuꞌu xaꞌa ya ndee ni vaꞌa xáa chiñu ra xaꞌa tuꞌun Ndioxi.

Efesios 6:21

Ta ra ñani yo Tíquico ku ra vaꞌa ni ítaꞌan xiꞌin i xáa chiñu nde nuu Tata yo Jesucristo, ta ra ñaa ku ra ndituꞌun xiꞌin ndo xaꞌa i xiꞌin ndiꞌi ya ndóꞌo i.

Filipenses 2:19

Mií Ndioxi ná kaꞌan ta kama ni tiꞌvi i ra Timoteo ñani yo xaa ra koto ra ndóꞌo̱, ta saa kusini ni i chi ndiko koo ra xiꞌin tuꞌun kundaa ini i xaꞌa ndo.

Filipenses 2:22

Sundi ra Timoteo, ta xa xíni ndo ini ra, xáa chiñu ni ra xiꞌin i káꞌan ndoso nde tuꞌun vaꞌa xaꞌa Tata yo Jesucristo, nda tá káa seꞌe mií i saa káa ra, chíndee ni ra yeꞌe.

Colosenses 1:7

Ta ya yóꞌó kua xi̱ni soꞌo ndo si̱naꞌa ra ñani yo, ra Epafras, ra xáa chiñu xiꞌin nde nuu Tata yo Jesucristo. Ta ndinuꞌu ni ini ra xáa chiñu ra nuu Tata yo ya chindee ra ndóꞌo̱.

Colosenses 4:9

Saa tíꞌvi i ra Tíquico ñani yo xaa ra xiꞌin ra Onésimo ñani yo, ra ñuu mií ndo, ra kúꞌvi ni ini i xíni i, ra ndee ni vaꞌa xáa chiñu xiꞌin i nuu Tata yo Jesucristo. Tíꞌvi i ra xaa ra xiꞌin ra, ta nda ñaa ku nda ndituꞌun xiꞌin ndo xaꞌa ndiꞌi ya ndóꞌo nde yóꞌó.

1 Timoteo 1:18

Ñani yo Timoteo, tá káa seꞌe i saa káa un, ta chiñu yóꞌó kua ndúku i nuu un xaa súvi un, chi ya yóꞌó, ta iin káchi ku ya xiꞌin tuꞌun ya ndi̱kaꞌan nda ñani yo, nda ndi̱kaꞌan tuꞌun yuꞌu Ndioxi ya ta̱xi Tachi Ndioxi ndaꞌa un tixin nda ñani yo ikán tá yachi. Chi tá ná ikan un saa ta koo un tá kuꞌva íyo iin ra lapa, ra xíni ni kaka nuu kuachi.

1 Timoteo 1:2

Chíndee ni i yóꞌo̱ ñani yo Timoteo, chi yóꞌo̱, ta tá káa seꞌe mií i, saa káa un, xaꞌa ya si̱naꞌa i yóꞌo̱ ichí xaꞌa Tata yo Jesucristo. Ta mií Tata yo Jesucristo xiꞌin mií Iva yo Ndioxi ná kundaꞌvi ni ini ra kuni ra yóꞌo̱, saa ná taxi ra koo vaꞌa ni ini un xiꞌin ya kúꞌvi ni ini ra xíni ra yóꞌo̱.

2 Timoteo 1:2

Táa i tutu yóꞌó xaa ya ndaꞌa un ñani yo Timoteo, chi yóꞌo̱, ta nda tá káa seꞌe i, ra kúꞌvi ni ini i xíni i, saa káa un. Ta mií Iva yo Ndioxi xiꞌin Tata yo Jesucristo ná kundaꞌvi ni ini kuni yóꞌo̱, saa ná chikaa ni ra ya vaꞌa yóꞌo̱, ta ná taxi ra koo vaꞌa ni ini un.

2 Timoteo 2:2

Taꞌan ya xi̱ni soꞌo un ndi̱kaꞌan i tá si̱naꞌa i kuaꞌa ni naꞌa, taꞌan ya ikán kua xíniñuꞌu un sinaꞌa un ñani yo nda ndinuꞌu ni ndíkun Tata yo Jesucristo ta saa ná koo ya sinaꞌa nda inka naꞌa.

2 Timoteo 3:10

Ta yóꞌo̱ ñani yo, ta xa xíni vaꞌa un yeꞌe, ndá kuꞌva sínaꞌa i, ta ndá kuꞌva íyo i, ta xíni un unkua ndíkani ini i xaa súvi i, saa xíni un ya ndáa ni i ini i xíni Ndioxi, ta kúꞌvi ni ini i xíni i naꞌa, saa xíni un ya kaꞌnu ni ini i.

Tito 1:5

Tá si̱ndoo i yóꞌo̱ ñuu Creta ya ndíkaa maꞌñu nduta ñûꞌu, ta si̱ndoo i yóꞌo̱ ya sixinu un chiñu ya kúmani ka xinu, ta ndi̱kaꞌan i xiꞌin un ya ndikaxin un taa nda xikuaꞌa tá ñuu, tá ñuu, ya kundiso chiñu nda xiꞌin na veꞌe ñuꞌu.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 2:13

Ta xíni ndiꞌi i ya íkan ndo, saa xíni i ya ndóo ndo ñuu nuu xáꞌnda chiñu kiti nǎꞌa náni Satanás. Ni saa va, sundi ndóꞌo̱, ta nda iin kivi köo síndoo ndo ichí i. Kándixa ni ndo yeꞌe. Ni tá xa̱ꞌni na ra Antipas taꞌan ndo, ra ndee ni xi̱ndikun yeꞌe, xaꞌa ya ikán kua xa̱ꞌni na ra. Chi ñuu nuu ndóo ndo ñaa, ta kiti nǎꞌa, kiti Satanás va ku ri xáꞌnda chiñu nuu ya.