1 Corintios 4:15 - Xochapa Mixteco

¹⁵ Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 4:15 Mawu Ofanana

ROMANOS 15:20

Ndiꞌi saa kivi ku̱ni ni i kaꞌan ndoso i tuꞌun vaꞌa xaꞌa Jesucristo nuu täꞌan kuꞌun nda iin naꞌa kaꞌan ndoso na xaꞌa ra. Íkan i saa ya ná käꞌan ndoso i nuu xa ndi̱xaꞌan inka naꞌa ndi̱kaꞌan ndoso na xaꞌa ra.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 15:1

Ñani yo tin kuꞌva yo, kúni i ná ndikaꞌán ini ndo xaꞌa tuꞌun vaꞌa xaꞌa Tata yo Jesucristo ya xa ndi̱kaꞌan ndoso i xiꞌin ndo. Ta ya yóꞌó ku ya xa ku̱ndaa ini ndo xaꞌa ta nda vitin tuun ni kándixa ndo ya.

1 Corintios 3:10

Ta yeꞌe, Ndioxi ku ra i̱kan ya mani xiꞌin i ta̱xi ra ichí ndaꞌa i ya koo i tá káa iin ra xíni, ra ndíso chiñu síkuaꞌa veꞌe, saa káa i, táva i yu̱ú xaꞌa ya, ta inka ku nda síkuaꞌa ya. Ta nda síkuaꞌa veꞌe nuu ta̱va i yu̱ú xaꞌa, ta ndee ni xíniñuꞌu nda kiꞌin vaꞌa nda kuenta ndá kuꞌva síkuaꞌa nda ya.

1 Corintios 3:6

Yeꞌe ra, tá íkan iin ra chíꞌi, saa i̱kan i xiꞌin ndo, chi̱ꞌi i tuꞌun Ndioxi nima ndo. Ta ra Apolos ku ra káa, tá káa ra kóso tuꞌun Ndioxi nima ndo. Sundi mií Ndioxi ku ra táxi xáꞌnu ya.

1 Corintios 3:8

Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:14

Ta iin kuꞌva saa xáꞌnda chiñu Tata yo Jesucristo nuu naꞌa, na ndíso chiñu xiꞌin naꞌa, na káꞌan ndoso tuꞌun vaꞌa xaꞌa ra, na ikán kúu mií na ichí niꞌi na ñaꞌa kuxi na xaꞌa chiñu íkan na.

1 Corintios 9:16

Ta saa ni ya káꞌan ndoso i tuꞌun vaꞌa xaꞌa Tata yo Jesucristo, ta süvi xaꞌa ya xaa kaꞌnu xiꞌin mií i ku ya. Saa chi iin chiñu ya xa ndi̱taꞌnda nuu i xaa súvi va i ku ya. Ndaꞌvi ni mií va i tá tu köo xáa súvi i chiñu yóꞌó.

1 Corintios 9:18

Ta yaꞌvi i ya ndíkiꞌin i kua yóꞌó, chi yeꞌe ta kúsini ni i ya káꞌan ndoso i tuꞌun vaꞌa xaꞌa ra xiꞌin ndo, ta köo kíꞌin i xuꞌun ndaꞌa ndo ya íkan i saa. Vani íyo ichí i ya chaꞌvi ndo yeꞌe xaꞌa ya káꞌan ndoso i tuꞌun vaꞌa xaꞌa Tata yo Jesucristo xiꞌin ndo ya kaku ndo, ta köo káꞌan i xiꞌin ndo chaꞌvi ndo yeꞌe xaꞌa chiñu íkan i.

1 Corintios 9:23

Ndiꞌi ya yóꞌó íkan i xaꞌa ya kúni i ná kuita niꞌnu tuꞌun vaꞌa xaꞌa Tata yo Jesucristo, soꞌva xáa chiñu i nuu ra ya ná chindee taꞌan i xiꞌin naꞌa ya kundaa ini na xaꞌa ra.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

Gálatas 3:24

Ta ndee ni xi̱ndaa ya yoo, tá kuꞌva ndee ni vaꞌa ndáa iin taa na vali, kíꞌin ni ra kuenta xiꞌin na, kuꞌva saa xi̱ndaa ya yoo, nda kivi tá xa̱a Jesucristo, ta saa kua nda̱sa vaꞌa ra yoo ndu̱u yo tá íin naꞌa, na köo ka kuachi kúu mií nuu Ndioxi.

Gálatas 3:25

Ta vitin xa̱a Jesucristo ra ndáa ni ini yo, ta köo xíniñuꞌu ka yo kundaa ni ley ikán mií yo, chi Jesucristo ku ra ndáa ni yoo vitin.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

2 Timoteo 4:3

Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.

FILEMÓN 1:19

Mií yeꞌe Pablo ku ra chi̱kaa ndaꞌa nuu tutu yóꞌó ya ndíkuiin i chaꞌvi i nuu un xaꞌa ya níka ra Onesimo ñani yo nuu un, ta ndïndoso ini un chi saa tu mií va un níka un nuu i xaꞌa ya ndi̱kaku un, táku un vitin.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 1:23

Saa chi ndóꞌo̱, ta ndi̱kaku uvi tuku ndo, ta köo ndi̱kaku ndo tixin iva siꞌí ndo na ñuu ivi yóꞌó, chi tixin tuꞌun Ndioxi ya táku ndiꞌi saa kivi kua ka̱ku ndo.