1 Corintios 4:12 - Xochapa Mixteco

¹² Ta ndee ni ndee xáa chiñu nde, ndakua kúnaa nde xiꞌin chiñu. Tá távi chiꞌña na ndeꞌe, ta chíkaa nde ya vaꞌa na. Saa tá sítixuꞌvi ni na ndeꞌe, ta xáꞌa ndee ndiꞌi ini nde xaꞌa ya íkan na xiꞌin nde.

1 Corintios 4:12 Mawu Ofanana

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

San Lucas 23:34

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

San Lucas 6:28

Chikaa ni ndo ya vaꞌa na távi chiꞌña ndóꞌo̱, saa kaꞌan ni ndo xiꞌin Ndioxi xaꞌa na káꞌan ndikuu xaꞌa ndo.

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

Los Hechos 20:34

Xi̱ni mií ndo, ndi̱nuni xa̱a chiñu i xiꞌin ndaꞌa i, saa ndi̱niꞌi i ya xi̱taku i xiꞌin nda taꞌan i.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

ROMANOS 12:14

Ta kaꞌan ndo xiꞌin Ndioxi xaꞌa naꞌa, na xáa nduvaꞌa xiꞌin ndo. Nduku ndo ya vaꞌa nuu Ndioxi xaꞌa na, ta ndüku ndo chiꞌña sata na.

ROMANOS 12:20

Ta saa káꞌan tuku Ndioxi, káchi ra: “Tá tu kúni kuxi naꞌa, na sáa ini xíni ndóꞌo̱, ta vaꞌa taxi ndo kuxi na. Tá tu íchi na tikuii, ta vaꞌa taxi ndo tikuii koꞌo na”. Chi tá íkan ndo saa xiꞌin na, ta tá íin ñu̱ꞌu̱ yěꞌé saa íin ya síkoyo ndo xiní na, án táxi ndo kúkaꞌan nuu na.

ROMANOS 8:35

Ta ¿án ndá ñaꞌa kuchiñu xaa xíka yo nuu ya ndee ni ndee kúꞌvi ini Jesucristo xíni ra yoo? ¡Nda iin ñaꞌa küchiñu ikan saa xiꞌin yo! Ni tindoꞌo ya ndóꞌo ni yo, ni ya kuaꞌa ni tindoꞌo ya ndíꞌi ni ini yo, ni ya sítixuꞌvi na yoo xaꞌa ya kándixa yo Jesucristo, ni tamá ya kaꞌni soko yoo, ni tá köo toto kundixi yo, ni ya ìyo ni kuvi yo, ni ya kaꞌni na yoo, nda iin ya yóꞌó küchiñu xaa xika yoo nuu ya ndee ni kúꞌvi ini Jesucristo xíni ra yoo.

1 Corintios 9:6

¿Án iindaa ra Bernabé xiꞌin yeꞌe vi ku nde xíniñuꞌu koo inka chiñu ikan nde, saa vi kuxi nde? Ta ¿án köo ta ichí nde ya taxi loꞌo ndo ñaꞌa kuxi nde?

2 Corintios 11:8

Chi yeꞌe, ta ya kuchiñu xaa súvi i chiñu chindee taꞌan i xiꞌin ndo, ta na ñani yo, na inka veꞌe ñuꞌu ku na chi̱ndee taꞌan xiꞌin i, ta̱xi na xuꞌun ndaꞌa i tá ndi̱xaa i nuu ndo.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

2 Tesalonicenses 3:8

Ni köo ñaꞌa nda iin ndo ndi̱xixi uun nde, ndiꞌi saa ichí xa̱a chiñu ni nde. Nduvi niuun xa̱a chiñu ni nde saa xi̱taku nde, ta nda loꞌo köo ndi̱sindiꞌi nde ini ndo ya nduku nde ñaꞌa nuu ndo kuxi nde án ya xíniñuꞌu nde.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

1 Pedro 3:14

Tá tu ndóꞌo ni ndo xaꞌa ya íkan ndo ya vaꞌa, ta kusini ni ndo, chi ndóꞌo̱ ta ndo vaꞌa ni kée va ndo ku ndo. Ta kündiꞌi ini ndo, ni ku ïꞌvi ndo nuu na xáa nduvaꞌa xiꞌin ndo.

1 Pedro 3:9

Tá ndá na íkan ya väꞌa xiꞌin ndo, ta ïkan ndo ya väꞌa xiꞌin na, käꞌan kini ndo xiꞌin na, vaꞌa ka kaꞌan ndo xaꞌa na xiꞌin Ndioxi ná chikaa ra ya vaꞌa na, ta saa kua niꞌi tu ndóꞌo̱ va ya vaꞌa nuu ra. Chi xaꞌa ya ikán kua ka̱na ra ndóꞌo̱ ya niꞌi ndo ya vaꞌa nuu ra.

1 Pedro 4:19

Xaꞌa ya ñaa kua ndiꞌi ndóꞌo̱ tá ndóꞌo ni ndo tíxuꞌvi ni ndo xaꞌa ya xáa súvi ndo ya kúni Ndioxi, ta vaꞌa nditaxi ndiꞌi ndo mií ndo ndaꞌa ra xaꞌa ya vaꞌa ni si̱kuaꞌa ra ya vaꞌa ndo, chi nda iin ichí sïndoo ndaꞌa ra ndóꞌo̱, ta saa niꞌi ndo ndee ya ikan ka ndo ya vaꞌa.

Judas 1:9

Ni mií tatun Ndioxi ya núnu̱ú ya ndee ni ndee kúu mií ya Miguel ya xáꞌnda chiñu nuu kuaꞌa ni tatun Ndioxi, ta köo ndi̱xaꞌa ndee ini ya tavi chiꞌña ya kiti nǎꞌa tá kivi ka̱nitaꞌan ya xiꞌin ri xaꞌa ikin kuñu ra Moisés. Ta ya ndi̱kaꞌan ya xiꞌin ri kua ka̱chi ya saa: “Mií Iva i Ndioxi ná xaa nduvaꞌa ni xiꞌin un”, ka̱chi ya xiꞌin ri.