1 Corintios 4:11 - Xochapa Mixteco

¹¹ Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

1 Corintios 4:11 Mawu Ofanana

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

Los Hechos 14:19

Ta saa ndi̱xaa sava nda judío ndóo ñuu Antioquía xiꞌin nda ndóo ñuu Iconio, síxinu nda ini na ñuu Listra ikán ya ná kaꞌni na ra Pablo. Saa ndi̱xinu ini na, ñaa xa̱á káni na ra xiꞌin yu̱ú. Xa ndi̱xiꞌi va ra, káꞌán na, saa ndi̱kuñuu ndai na ra ndi̱xaꞌan na si̱kana na ra nda nuu ñuu.

Los Hechos 16:23

Ndi̱nuni loꞌo ka̱ni ñaꞌa na, sindiꞌi ki̱ꞌin na nda ta̱an na veꞌe kàà, ta ndi̱taꞌnda chiñu nuu ra ndáa yeꞌe veꞌe kàà ya ná kundaa ni ñaꞌa ra.

Los Hechos 23:2

Tá xi̱ni soꞌo ra Ananías, ra ínuu nuu ndiꞌi sutu, ya ndi̱kaꞌan ra Pablo, ta saa xa̱ꞌnda ra chiñu nuu nda ndíta yati xiín ra Pablo ya ná kani nda yuꞌu ra.

ROMANOS 8:35

Ta ¿án ndá ñaꞌa kuchiñu xaa xíka yo nuu ya ndee ni ndee kúꞌvi ini Jesucristo xíni ra yoo? ¡Nda iin ñaꞌa küchiñu ikan saa xiꞌin yo! Ni tindoꞌo ya ndóꞌo ni yo, ni ya kuaꞌa ni tindoꞌo ya ndíꞌi ni ini yo, ni ya sítixuꞌvi na yoo xaꞌa ya kándixa yo Jesucristo, ni tamá ya kaꞌni soko yoo, ni tá köo toto kundixi yo, ni ya ìyo ni kuvi yo, ni ya kaꞌni na yoo, nda iin ya yóꞌó küchiñu xaa xika yoo nuu ya ndee ni kúꞌvi ini Jesucristo xíni ra yoo.

1 Corintios 9:4

Chi ya ndixa kua íyo ichí va i ya taxi ndo ñaꞌa kuxi nde tin nduta koꞌo nde, xaꞌa chiñu ya íkan nde xiꞌin ndo.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

2 Corintios 4:8

Saa chi ni yáꞌa ni ndee tindoꞌo vaxi nuu nde, ta saa ni küchiñu ya xiꞌin nde, yaꞌa va ya nuu nde. Ni ndee ni vaxi ya síndiꞌi ini nde, ta köo ndíko koo ini nde xiꞌin ya.

Filipenses 4:12

Kúsini ni i ya íyo i tá kuꞌva íyo na ndaꞌvi án tá kuꞌva íyo na kuika. Ta kúsini ni i chi xa kúndaa ini i ndá kuꞌva ndikaa i nuu ndiꞌi ya yóꞌó: xíni i kaꞌun ini i, ta xíni i kuxi vaꞌa i ndakua xaa ini i, saa xíni i koo kuaꞌa ni ñaꞌa nuu i án nda loꞌo ñaꞌa köo nuu i.

2 Timoteo 3:11

Ta xa kúndaa ini mií un ya ndee ni tindoꞌo ki̱xi nuu i xaꞌa Cristo, tá ndi̱xiyo i ñuu Antioquía, xiꞌin ñuu Iconio tin ñuu Listra. Ta mií Tata yo Jesucristo ku ra si̱kaku yeꞌe nuu ndiꞌi tindoꞌo ya ndo̱ꞌo i.