1 Corintios 3:8 - Xochapa Mixteco

⁸ Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

1 Corintios 3:8 Mawu Ofanana

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Lucas 19:19

Saa ndi̱kuiin ra rey ikán káꞌan ra: “Vaꞌa ni i̱kan un. Vaꞌa ni moso ku tu yóꞌó va. Saa tu yóꞌo̱ va taxi i chiñu ndaꞌa un kundiso chiñu un xiꞌin uꞌun ñuu”, káchi ra.

ROMANOS 2:6

Kivi ikán kua chaꞌvi Ndioxi iin iin naꞌa, tá íyo chiñu i̱kan na, saa koo ya chaꞌvi ra na.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

1 Corintios 3:14

Tá tu vaꞌa ni si̱kuaꞌa na veꞌe xiꞌin ñaꞌa ya köo ndíꞌi xaꞌa xiꞌin ñu̱ꞌu̱, ta kuꞌva saa kiꞌin na yaꞌvi na.

1 Corintios 3:7

Yakan kua ni köo ndáa yaꞌvi ya unku nde chíꞌi ta unku nde kóso ya. Ya ndee ni ndáa yaꞌvi ku ya íkan Ndioxi, chi mií ra ku ra táxi xáꞌnu ñaꞌa chíꞌi nde.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 9:7

Xa xíni mií va ndo, nda iin nda lapa xáa chiñu nuu na chiñu, ta köo cháꞌvi nda mií nda. Ni na chíꞌi kiti uva ta kúu mií na ichí yáxi na ri. Saa tu na ndáa tixuꞌu va, kúu mií na ichí kóꞌni na leche ri xíꞌi na.

Gálatas 6:4

Ta koto ndoso ndo mií ndo xaꞌa ñaꞌa íkan ndo, saa kusini ni ndo xiꞌin ya íkan ndo. Tá tu vaꞌa ni ka íkan ndo ndá ka chiñu túvi ndo, ta käꞌan ndo xaꞌa ya íkan inka naꞌa.

Gálatas 6:5

Saa chi iin iin naꞌa ta ndíso mií va na xiꞌin chiñu ya kúu mií na, ya sixinu na ya.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Pedro 5:4

Saa chi tá ná ndiko koo Tata yo Jesucristo, ra ndáa yoo, ra chee nuu yo, ra íyo tá íyo nda ndáa levo, ta saa kua niꞌi yo iin corona ya ndee ni luvi ta nda iin ichí ndïꞌi xaꞌa ya.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 22:12

Ta saa ndi̱kaꞌan Tata yo Jesucristo, káchi ra saa: ―¡Koo tuꞌva ndo, chi kama ni ndiko koo tuku i! Ta saa kuniꞌi i ya chaꞌvi i iin iin naꞌa, tá íyo chiñu i̱kan na saa koo ya chaꞌvi i na.