1 Corintios 3:7 - Xochapa Mixteco

⁷ Yakan kua ni köo ndáa yaꞌvi ya unku nde chíꞌi ta unku nde kóso ya. Ya ndee ni ndáa yaꞌvi ku ya íkan Ndioxi, chi mií ra ku ra táxi xáꞌnu ñaꞌa chíꞌi nde.

1 Corintios 3:7 Mawu Ofanana

San Juan 15:5

’Yeꞌe ku itun uva chee, ta ndóꞌo̱ ku teꞌe ndaꞌa nu. Na ítaꞌan tuun xiꞌin i ta koo tuun tu yeꞌe xiꞌin na, ta kuaꞌa ni ya vaꞌa ikan na xáa saa. Chi tá tu köo ítaꞌan tuun na xiꞌin i, ta nda iin ñaꞌa küchiñu na ikan na.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 3:6

Yeꞌe ra, tá íkan iin ra chíꞌi, saa i̱kan i xiꞌin ndo, chi̱ꞌi i tuꞌun Ndioxi nima ndo. Ta ra Apolos ku ra káa, tá káa ra kóso tuꞌun Ndioxi nima ndo. Sundi mií Ndioxi ku ra táxi xáꞌnu ya.

1 Corintios 3:8

Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.

2 Corintios 12:9

Saa ndi̱kaꞌan ra xiꞌin i, káchi ra saa: “Vaꞌa ná kusini ni un, chi köo xíniñuꞌu un ya ñaa, ya kúꞌvi ni ini i xíni yóꞌo̱ kua xíniñuꞌu ni un, saa chi tá ndóꞌo un saa, ta saa kua ndúndee ka un xiꞌin ndee i ya ta̱xi i ndaꞌa un íyo xiꞌin un”, káchi ra xiꞌin i. Yakan vitin ta kúsini ni va i tá kúvita ni ini i, chi saa kua xíni i ya íyo ndee Tata yo Jesucristo xiꞌin i.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.