1 Corintios 3:16 - Xochapa Mixteco

¹⁶ Ta saa ndóꞌo̱, ¿án köo kúndaa ini ndo ya íin ndo tá káa veꞌe ñuꞌu Ndioxi, ta íyo tu Tachi I̱í ra xiꞌin va ndo?

1 Corintios 3:16 Mawu Ofanana

San Juan 14:17

Ta ya ikán ku Tachi Ndioxi ya sinaꞌa ndóꞌo̱ xaꞌa ya ndaa. Ta na köo ndíkun yeꞌe ta küvi ndikiꞌin na ya koo ya xiꞌin na, chi köo xíni na ya, ta ni küchiñu na kuni xiꞌin nuu na ya. Sundi ndóꞌo̱ ndíkun yeꞌe ta xíni ndo ya, ta íyo ya xiꞌin ndo, saa koo ya xiꞌin ndo ndiꞌi saa ichí.

ROMANOS 6:16

¿Án köo xíni ndo iin taa ra sa̱ta naꞌa xáa chiñu ra nuu na, ta xíniñuꞌu ra xaa súvi ra ya kúni mií na? Saa íyo ndóꞌo̱ nuu kuachi ndo, tá tu xáa súvi ndo ya kúni kuachi ndo, ta kuvi ndo nuu Ndioxi, án tá xáa súvi ndo ya kúni Ndioxi ta kuchiñu ndo kutaku ndo xiꞌin ra.

ROMANOS 6:3

¿Án köo kúndaa ini ndo unkua káꞌan ya xa chi̱chi yo? Chi tá chi̱chi yo ta tá íin yo ndi̱xiꞌi saa ndu̱u yo, ndi̱xiꞌi yo xiꞌin Jesucristo, iin ndu̱u yo xiꞌin ra.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

1 Corintios 3:17

Tá ndá ka naꞌa síndiꞌi xaꞌa naꞌa, na kúu veꞌe ñuꞌu Ndioxi, ta saa sindiꞌi xaꞌa tu Ndioxi va na. Saa chi veꞌe ñuꞌu Ndioxi, ta ya i̱í ku ya, ta saa ndóꞌo̱, ndo i̱í ku ndo.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

1 Corintios 5:6

Ta kütai ni ini ndo xiꞌin ya väꞌa íkan ra ñaa. Xa xíni ndo unkua káꞌan tuꞌun ndíchi ya káꞌan soꞌva: “Loꞌo paꞌa tíin uxan iya kuakee xiꞌin uxan xita vaꞌa ta ndee ni sínañu ñaꞌa ya”, káchi ya.

1 Corintios 6:16

¿Án köo xíni ndo, iin taa ra kíꞌvi xiꞌin iin ñaꞌa yá xíko mií, ta iin nuu ndúu ra xiꞌin yá? Tá kuꞌva káꞌan tuꞌun Ndioxi, ya ta̱a na xinaꞌa, káchi ya saa: “Iin taa xiꞌin iin ñaꞌa, ta iin nuu ndúu uvi saa na”, káchi ya.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

1 Corintios 6:9

¿Án köo xíni ndo, naꞌa, na íkan ya väꞌa ta küchiñu na koo na xiꞌin Ndioxi nuu xáꞌnda chiñu ra? Sïndaꞌvi ndo mií ndo chi ni na xíka sií xiꞌin taꞌan küvi koo na xiꞌin Ndioxi, ni na káñuꞌu ndioxi ndíi, ni taa ra kuakiꞌvi xiꞌin inka ñaꞌa, ni ñaꞌa yá kuakiꞌvi xiꞌin inka taa, ni taa ra kíxi xiꞌin inka taa, ni taa ra ndúu síꞌi nuu inka taa,

1 Corintios 9:13

Xa xíni mií ndo, naꞌa, na xáa chiñu veꞌe ñuꞌu kaꞌnu nuu na judío, ta ikán kána ñaꞌa xíxi na. Ta saa tu na xáa chiñu nuu nama i̱í, ikán xíxi tu na ikán va ñaꞌa ya sóko naꞌa nuu Ndioxi.

1 Corintios 9:24

Ta xa kúndaa vaꞌa ini ndo, naꞌa na xínu nuu kéꞌe taꞌan na, ta kuaꞌa ni va ku na xínu, ta süvi ndiꞌi na níꞌi ñaꞌa, iindaa va ku na kúchiñu níꞌi ya. Ta saa ndóꞌo̱, ndinuꞌu ni ini ndo xaa súvi ndo ya kúni Ndioxi, tá kuꞌva íkan na kéꞌe taꞌan saa ikan ndo ndakua ná ndikiꞌin ndo ñaꞌa ya niꞌi ndo nuu Ndioxi.

2 Corintios 6:16

Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

2 Timoteo 1:14

Mií Tachi I̱í Ndioxi ya íyo xiꞌin yo ná chindee yóꞌo̱ ya kuchiñu un kiꞌin ni un kuenta xiꞌin tuꞌun vaꞌa ya si̱kuiso chiñu Ndioxi yóꞌo̱, ta säma un ya.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

Santiago 4:4

¡Ndóꞌo̱, ta süvi ndóꞌo̱ kúꞌvi ini xíni Ndioxi ku ndo! ¿Án köo xíni ndo ndiꞌi naꞌa, na kútoo ni ikan taꞌan ñaꞌa íkan na ñuu ivi yóꞌó, na ñaa ta na káni taꞌan xiꞌin Ndioxi ku na? Saa chi ndiꞌi naꞌa, na kútoo ni ikan ya väꞌa íkan na ñuu ivi yóꞌó, ta ndúu na naꞌa, na sâa ini xíni Ndioxi.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.