1 Corintios 3:12 - Xochapa Mixteco

¹² Ta sava naꞌa, na síkuaꞌa veꞌe ikán xíniñuꞌu na kàà ya oro, sava tu na xíniñu kàà ya plata, sava tuku na xíniñuꞌu yu̱ú ya luvi ni, sava na xíniñuꞌu itun, sava na xíniñuꞌu ita leko, saa tu sava na xíniñuꞌu itun tioo va.

1 Corintios 3:12 Mawu Ofanana

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

1 Corintios 3:11

Saa chi nda iin ka naꞌa küvi chinduꞌu inka xaꞌa veꞌe nuu xa ta̱va i yu̱ú xaꞌa ya. Chi yu̱ú xaꞌa ya ta̱va i ku Jesucristo.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

1 Timoteo 6:3

Tá íyo sava na síin ni sínaꞌa, ta köo sínaꞌa na tá kuꞌva si̱naꞌa Tata yo Jesucristo, chi ya si̱naꞌa Tata yo, ta ya ndaa ni kua, ya káꞌan xaꞌa ya vívií ni ná koo yo nuu Ndioxi kua.

2 Timoteo 2:20

Ta xa xíni mií un, veꞌe iin ra kuika ya kaꞌnu ni, ta kuaꞌa ni nuu ndaꞌa chiñu íyo ini ya, íyo ya ndi̱kuaꞌa xiꞌin kàà ya oro tin ya ndi̱kuaꞌa xiꞌin kàà ya plata, saa íyo ya ndi̱kuaꞌa xiꞌin itun tin ya ndi̱kuaꞌa xiꞌin ñuꞌú kíxin. Ta ya vaꞌa ni náꞌa kua xíniñuꞌu na nuu viko, ta ya núu íin kua xíniñuꞌu na ndiꞌi saa kivi.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

2 Timoteo 3:7

Ta ndiꞌi saa kivi xíni soꞌo ni ná tuꞌun ya sínaꞌa na, ta nda loꞌo köo kúchiñu ná kundaa ini ná xaꞌa ya ndaa xíni soꞌo ná.

2 Timoteo 4:3

Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

1 Pedro 1:7

Chi ndiꞌi tindoꞌo ya vaxi nuu ndo, ta tá kuꞌva xíto ndoso na kàà ya oro xiꞌin ñu̱ꞌu̱ iꞌni ni, ya ná nduyéꞌe̱ luvi ya nduu latun ni ka ya. Ta kuꞌva saa íyo ya ndáa ni ini ndo Ndioxi, chi ya ikán kua ndáa yaꞌvi ni ka nuu oro ya ndíꞌi xaꞌa, yakan tá ndóꞌo̱ ndo saa, ta ndïkava ini ndo, chi tá ná ndiko koo Tata yo Jesucristo kixi ra ta vaꞌa ni kaꞌan ra xaꞌa ndo, chinuu vaꞌa ni ra tuꞌun ndo.

El Apocalipsis 2:14

Vani kuaꞌa ni va ya vaꞌa íkan ndo, ta saa ni íyo uvi ndaa kuachi ndo nuu i. Saa chi íyo naꞌa, na ndíkitaꞌan xiꞌin ndo nuu ndíkitaꞌan ndo xáa kaꞌnu ndo Ndioxi, ta na ñaa ta xáa súvi ka va na ya si̱naꞌa ra Balaam xinaꞌa. Chi ra íkan ku ra ndi̱kaꞌan xiꞌin ra Balac ndá kuꞌva kuchiñu sikoyo ra na ñuu Israel. Ta si̱ndikava ra na nuu kuachi, chi xi̱xi na ñaꞌa ya síniꞌi naꞌa nuu kuaꞌa ni ndioxi ndíi án naꞌna ya káꞌan na kúu ndioxi na. Ta ta̱a sií ra nda taa ya koo tani nda. Ta saa i̱kan tu ra xiꞌin ná síꞌi va.

El Apocalipsis 21:18

Nama sukun ikán ndi̱kuaꞌa ya xiꞌin nina yu̱ú luvi ni ya yéꞌe̱ taxan, ya náni jaspe. Ta mií ñuu i̱í chee ikán ndi̱kuaꞌa ya xiꞌin nina mií oro. Tá káa vidrio ya yéꞌe̱ ta xíto yo inka ñaꞌñu sata ya, saa káa oro ikán.

El Apocalipsis 3:18

Yakan yeꞌe, ta káꞌan i xiꞌin ndo, vaꞌa sata ndo oro ya ndinuꞌu nuu i, oro ya xáꞌmi na xiꞌin ñu̱ꞌu̱ xíxi, ya ndúu ya oro nina. Taꞌan ya ikán kua íyo nuu i. Sata ndo ya nuu i, saa nduu ndo naꞌa, na ndixa ni kuika. Tá tu köo kúni ndo kukaꞌan ni nuu ndo xaꞌa ya chála ndo, ta sata ndo toto yaa ni nuu i kundixi ndo. Saa sata tu ndo tatan nuu i, kee nduchi nuu ndo ya ná ndikoto vaꞌa ndo.