1 Corintios 2:8 - Xochapa Mixteco

⁸ Ta ya ndíchi yóꞌó, ta nda iin mií na chiñu ñuu ivi yóꞌó köo ndíkundaa ini xaꞌa ya. Saa chi tá ndíkundaa ini na xaꞌa ya, ta chïnuu vi na Tata yo Jesucristo nuu cruzin, ndikuu, chi ndee ni ndee ku mií ra.

1 Corintios 2:8 Mawu Ofanana

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Lucas 23:34

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 7:48

Ta nda iin nda chiñu naꞌnu nuu yo, ni ndeꞌe fariseo ta köo kándixa nde ra.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

Los Hechos 13:27

Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán.

Los Hechos 7:2

Ñaa ndi̱kuiin ra káꞌan ra: ―Ndóꞌo̱ tata, na xikuaꞌa, xiꞌin ndóꞌo̱ iva siꞌí, kuni soꞌo ndo ná kaꞌan i xiꞌin ndo. Tá täꞌan kuꞌun xii yo ra Abraham koo ra ñuu Harán, ta ndi̱tuvi Ndioxi, ra chee, ra kaꞌnu, nuu ra tá íyo ra chi Mesopotamia.

1 Corintios 1:20

Ta ná kundaa ini yo, chi na ndíchi ni xiꞌin naꞌa, na ndee ni si̱kuaꞌa vaꞌa, xiꞌin na ndee ni vaꞌa xíni xaꞌa ñaꞌa ya íyo ñuu ivi yóꞌó, ta ni köo iin káchi íin ya ndíchi kúu mií na yóꞌó nuu ya ndee ni ndíchi kúu mií Ndioxi. Ta ya ndíchi kúu mií na ñuu ivi yóꞌó, tá káa ñaꞌa ya köo ndáa yaꞌvi va saa káa ya nuu Ndioxi.

1 Corintios 2:6

Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.

2 Corintios 3:14

Tá íin toto ya xi̱ndasi nuu ra Moisés, saa ndo̱ꞌo na Israel chi ndi̱kundasi ya xínituni na. Yakan nda vitin tá káꞌvi na ley yata íyo ndaꞌa na ta köo kúndaa ini na xiꞌin ya. Nda vitin ta ndási yaa nuu na, iindaa Jesucristo ku ra kuchiñu kindaa ya ndási nuu na.

Efesios 1:17

Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Efesios 4:18

Chi na köo xíni Ndioxi ta íyo xíka ni va na nuu ra, nda ya xínituni na ta tá íin ya íyo nuu naá va saa íyo ya, tuun ni nima na, ta soꞌo ni na.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

Santiago 2:1

Ñani yo, ndïkaxin ndo nda iin na taꞌan yo na ndíkun Tata yo Jesucristo ra kúu mií ndee chee ya vaꞌa ni, iin kachi kuꞌvi ini ndo kuni taꞌan ndiꞌi ndo.