1 Corintios 16:7 - Xochapa Mixteco

⁷ Ta köo kúni i yaꞌa xaa i nuu ndo vitin, yakan tá ná kunaꞌa i saa xaa i koto i ndóꞌo̱, chi kúni i kuachi loꞌo i xiꞌin ndo, tá Ndioxi ná kachi.

1 Corintios 16:7 Mawu Ofanana

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

Los Hechos 18:21

Saa nda̱i ra na, káchi ra saa: ―Xíniñuꞌu kuꞌun i ñuu Jerusalén viko ya vaxi, sundi ná kuꞌun i tá Ndioxi ndi̱kaꞌan, ta ndiko koo tuku i koto i ndóꞌo̱ ―káchi ra xiꞌin na. Saa keta ra ñuu Éfeso kuaꞌan ra xiꞌin barco.

ROMANOS 1:10

Saa xáku ndáꞌvi ni i nuu ra, káꞌan i xiꞌin ra, ndúku i ya mani nuu ra taxi ra ichí ndaꞌa i ya kuꞌun i koto i ndóꞌo̱. Ná taxi mií ra ichí ndaꞌa i saa xaa i nuu ndo.

1 Corintios 4:19

Sundi tá Ndioxi ná kachi, ta kama ni va xaa i koto i ndóꞌo̱. Ta saa kundaa ini i xaꞌa nda taꞌan ndo, nda ndee ni kútai ini xíka sínaꞌa, tá tu ya ndixa kua nde ni íyo ndee Ndioxi xiꞌin nda, án sana xiꞌin tuꞌun mií ya kána koo xi̱ní mií va nda kua káꞌan nda.

2 Corintios 1:15

Ta xaꞌa ya ndáa ni ini i ya kuchiñu ndo kundaa ini ndo xiꞌin ya ndi̱kaꞌan i xiꞌin ndo, yakan ndi̱kani ini i xaa i koto i ndóꞌo̱, ta vaꞌa ni kee ndo, chi uvi ichí vi xaa i nuu ndo.

Santiago 4:15

Xaꞌa ya köo xíni ndo unkua kundoꞌo ndo kivi vaxi yakan vaꞌa ná kaꞌan ndo, kachi ndo soꞌva: “Tá mií Iva yo Ndioxi ná kaꞌan kutaku ka yo, saa ikan yo chiñu yóꞌó án chiñu kaá”, kachi ndo.